Пад час вясенніх канікул выхаванцы аздараўленчага лагера «Планета дзяцінства», што працуе на базе ДУА “Сярэдняя школа № 1 г. Валожына”, наведалі ГУК “Валожынскі раённы цэнтр культуры”, дзе ўдзельнікамі народнага калектыву літаратурна-мастацкага майстэрства “Рунь” для іх былі падрыхтаваны шэраг мерапрыемстваў. 27 сакавіка прайшла забаўляльна-пазнавальная праграма “Мой родны край – мая зямля”, пад час якой дзеці паказалі сябе як добрыя знаўцы гісторыі краіны і роднай Валожыншчыны. А 29 сакавіка інтэлектуальна-інфармацыйная гульня “Цудоўны свет кнігі” правяла школьнікаў па гістарычнаму шляху стварэння кнігі, пазнаёміла з выданнямі паэтаў-рунеўцаў. Дзеці з захапленнем паслухалі вершы ў выкананні аўтараў, сярод якіх была і Член Саюза пісьменнікаў Беларусі Наталля Жызнеўская. Вялікую асалоду дзеці таксама атрымалі ад прагляду мультыплікацыйных фільмаў, сеансы якіх былі спецыяльна арганізаваны раённым цэнтрам культуры.
