Атрад лідараў жніва-2024 папоўніўся новымі імёнамі. У аўторак іх з’явілася ажно сем.
Адразу чатыры тысячнікі – у “Бабровічах”. Запаветнага намалоту дасягнуў камбайнер Вячаслаў Квяткоўскі. Адзінка з трыма нулямі пакарылася і тром вадзіцелям: Леаніду Іоду, Юрыю Сізову і Аляксандру Калянковічу.
Тысячнікамі сталі і вадзіцелі іншых гаспадарак: у “Багданаўскім” – Сяргей Радзюк, у “Агра-Дубінскім” – Аляксандр Мамонька, у “Пяршаях-2014” – Аляксандр Голуб.
Усяго на раніцу 23 ліпеня ў раёне налічвалася 2 камбайнеры-тысячнікі і 7 вадзіцеляў, якія перавезлі па тысячы тон збожжа.
Да ўшанавання пераможцаў далучыліся грамадскія аб’яднанні. Старшыні раённай арганізацыі “Белай Русі” Юлія Матус, раённага аб’яднання прафсаюзаў Сняжана Нахай, раённага савета ветэранаў Таццяна Ціганіна і райкама прафсаюзаў работнікаў аграпрамысловага комплексу Вікенцій Адамовіч віталі ўладароў жніўных палеткаў прама ў полі на ржышчы. Кожны з іх атрымаў Падзяку старшыні райвыканкама і падарункіі ад грамадскіх аб’яднанняў.
Источник:https://valozhin.by/24072024/u-syami-tysyachnika%d1%9e-prybylo/
