7 снежня 2024 года ў горадзе Мар’іна Горка на юбілейным ХХ абласным фестывалі “Напеў зямлі маёй” сустрэліся лепшыя аматарскія калектывы Міншчыны. На суд гледачоў і журы фестываля ад Валожынскага раёна быў прадстаўлены нумар “Зямелькай роднаю распетая, душа не можа не тварыць”. Творчыя калектывы раёна, сярод якіх калектыў Івянецкага Дома культуры, атрымалі Дыплом у намінацыі “За захаванне і развіцце фалклорных традыцый рэгіёна” і каштоўны падарунак. Самых юных артыстаў члены журы адзначылі салодкім падарункам.
