Напярэдадні летніх канікул работнікі Валожынскага раённага аддзела па надзвычайных сітуацыях правялі рэйдавыя мерапрыемствы ў загарадных аздараўленчых лагерах на тэрыторыі раёна.
Галоўная мэта такіх рэйдаў - забяспечыць бяспеку дзяцей і персаналу аздараўленчых лагераў. Асаблівая ўвага была нададзена ўтрыманню будынкаў і памяшканняў, шляхоў эвакуацыі, стану электрычных сетак, супрацьпажарнага вадаправода, тэлефоннай сувязі, першасных сродкаў пажаратушэння, наяўнасці мінералізаваных палос у лагерах, якія знаходзяцца ў лясных масівах. Асноўная ўвага была ўдзелена аўтаматычнай пажарнай сігналізацыі будынкаў і эвакуацыйным выхадам.
