Вялікія вокны і ўваходныя дзверы ўстановы адукацыі стыльна і далікатна ўпрыгожаны папяровымі выцінанкамі. Здаецца, увесь агромністы будынак зацярушаны снегам. Варта пераступіць парог і зазірнуць у фае першага паверха, адразу заўважаеш працяг чароўнай казкі. Вучні пад кіраўніцтвам настаўнікаў наладзілі выставу ёлак і ёлачных упрыгажэнняў. Якіх толькі лясных красунь не ўбачыш на спецыяльна аздобленай пляцоўцы! Формы, фактуры, колеры – самыя розныя. Палёт фантазіі – зашкальвае. А, між іншым, уся гэта прыгажосць – сапраўдны хэнд-мэйд!
