З нагоды 150-годдзя з дня нараджэння жывапісца, тэатральнага мастака і педагога - Фердынанда Рушчыца (1870/12/10, маёнтак Багданава Валожынскі раён - 1936/10/30) - Валожынскі краязнаўчы музей набыў паплечны бюст, створаны ў яго гонар. У творчасці Ф.Рущчыц атрымаў у спадчыну традыцыі беларускага, рускага, польскага, францускага мастацтваў; працаваў таксама ў графіцы.
Аўтарам работы стаў Калясінскі Валерый Францавіч - скульптар і мастацтвазнаўца, член грамадскага аб'яднання "Беларускі саюз мастакоў». Матэрыял для бюста – бронза таніраваная, пакратая воскам. Грошы для набыцця бюста вадаткаваны з рэспубліканскага бюджэту.
