Валожынскі раённы
выканаўчы камітэт

Узорны дзявочы Клуб «Грацыя», створаны на базе Валожынскага РЦК у 1996 годзе. У 2005 годзе атрымаў званне "ўзорны". Клуб наведваюць 11 удзельніка – ад 10 да 18 гадоў.

Дзейнасць Клуба дае магчымасць яго выхаванкам дэманстраваць сваё майстэрства на раённых і абласных конкурсах прыгажосці, удзельнічаць у дэманстрацыях адзення на кірмашах-продажах, у арганізацыі вечароў мод, якія праводзяцца ў раённым Цэнтры культуры і за яго межамі, канцэртах мастацкай самадзейнасці, маладзёжных дыскатэках, шоу-праграмах для падлеткаў, танцавальных вечарах.

Галоўнай мэтай дзейнасці аматарскага аб’яднання з’яўляецца: фарміраванне эстэтычнага густу і выхаванне высокіх маральных якасцей у падлеткаў; развіццё іх творчых здольнасцей; далучэнне да актыўнага творчага жыцця; арганізацыя цікавага і змястоўнага адпачынку. Адныя дзяўчаты, наведваючы клуб, пазбаўляюцца ад комплексаў, другія - выпраўляюць постаць, трэціх - вабіць сцэна і прыгожыя ўборы. Для ўдзельніц Клуба арганізоўваюцца сустрэчы з прафесіянальнымі цырульнікамі, дызайнерамі, псіхолагамі.

Калекцыі ствараюцца як са штучных, так і з натуральных тканін (джынсавай, ільняной), і з розных падручных матэрыялаў. Мадэлі адзення маюць розную стылістычную афарбоўку ( рэтра, этна і сучасны стыль).

Дэвізам Клуба з'яўляюцца словы: «Грацыя. Прыгажосць. Ідэал».