Сфарміраваць паняцце, што жыццё - не гульня, навучыць дзяцей асцярожна ставіцца да свайго здароўя, выконваць правілы бяспечных паводзін павінны бацькі! А незаменнымі памочнікамі ім у гэтым з’яўляюцца настаўнікі і выратавальнікі, якія праводзяць з дзецьмі заняткі па навучанні основам бяспекі жыццядзейнасці.
У рамках акцыі “Не пакідайце дзяцей адных!” работнікі Валожынскага раённага аддзела па надзвычайных сітуацыях сумесна з актывістамі клуба юных выратавальнікаў-пажарных “Ліквідацыя” арганізавалі пазнавальныя мерапрыемствы ў фізкультурна-аздараўленчым комплексе горада Валожына. Месца для правядзення акцыі выбрана было не выпадкова. Гэта месца, дзе найчасцей бацькі бываюць разам са сваімі дзецьмі.
Перад уваходам наведвальнікў сустракала роставая лялька, якая запрашала пыняць удзел у акцыі. Пад час мерапрыемстваў з бацькамі і дзецьмі праводзілі навучальныя гульні, віктарыны, вучылі карыстацца вогнетушыцелямі. Бацькам напаміналі аб тым, што пакіданне дзяцей без нагляду можа прывесці да непапраўных наступстваў. Кожны ўдзельнік акцыі атрымаў карысны падарунак.
