Валожынскі раённы
выканаўчы камітэт

13.08.2019 г. в 06 часов 19 минут диспетчеру ЦОУ Воложинского РОЧС поступило сообщение от жителей д. Макаровка, что идет дым из-под крыши неэксплуатируемого здания в д. Макаровка. К месту вызова были направлены автоцистерны Воложинского РОЧС.

Во исполнение Постановления главного государственного врача Республики Беларусь от 03.04.2018 № 31 «О некоторых вопросах осуществления государственного санитарного надзора за санитарным состоянием и содержанием территорий населенных пунктов, организаций и предприятий всех форм собственности», и в соответствии с Планом мероприятий по подготовке пляжей,  зон отдыха населения на водных объектах к купальному сезону 2019 года в Воложинском районе, утвержденным Решением Воложинского районного исполнительного комитета № 316 от 18.03.19 г «О мерах по улучшению охраны жизни людей на водных объектах и подготовке к купальному сезону 2019 года», санитарной службой осуществляется мониторинг содержания зон отдыха населения на водных объектах района.

Сцяг горада Валожына і Валожынскага раёна

З мэтай аднаўлення гістарычных і стварэння новых афіцыйных геральдычных сімвалаў прыняты ўказ Прэзідэнта РБ А. Р. Лукашэнкі № 564 ад 1 снежня 2011 года «Аб заснаванні афіцыйных геральдычных сімвалаў адміністрацыйна-тэрытарыяльных адзінак Мінскай вобласці», згодна з якім быў зацверджаны афіцыйны геральдычны сімвал - сцяг горада Валожына і Валожынскага раёна.

Сцяг уяўляе сабой прамавугольнае палотнішча чырвонага колеру з суадносінамі бакоў 1:2, у цэнтральнай частцы якога размешчана апраўленая белай паласой выява герба г. Валожына.

Сцяг горада Валожына і Валожынскага раёна - уласнасць Валожынскага раёна, правам распараджэння якой валодае Валожынскі раённы выканаўчы камітэт.

Сцяг размяшчаецца на будынках, дзе знаходзяцца дзяржаўныя органы ўлады, а таксама ў будынках пасяджэнняў гэтых органаў і службовых кабінетах іх кіраўнікоў.

Сцяг можа размяшчацца ў тых месцах, дзе ў адпаведнасці з заканадаўствам прадугледжваецца размяшчэнне Дзяржаўнага сцяга Рэспублікі Беларусь. Пры адначасовым размяшчэнні Дзяржаўнага сцяга Рэспублікі Беларусь, сцяга горада Валожына і Валожынскага раёна і іншых сцягоў іх размяшчэнне вызначаецца згодна з Законам РБ ад 5 ліпеня 2004 года «Аб дзяржаўных сімвалах Рэспублікі». Сцяг можа выкарыстоўвацца таксама ў ходзе дзяржаўных святаў і святочных дзён, мерапрыемстваў, якія праводзяцца дзяржаўнымі органамі або іншымі мерапрыемствамі, народных, працоўных, сямейных святаў, мерапрыемстваў, прымеркаваных да памятных дат.

Герб горада Валожына

Герб горада Валожын зацверджаны Рашэннем Валожынскага райвыканкама № 78 ад 22.06.1998 г., унесены ў Гербавы Матрыкул РБ 26.06.1998 г. №17.

Элементы герба запазычаныя з родавых гербаў уладальнікаў Валожына, якія згадваюцца ў летапісах.

На пяцікутным, завостраным знізу шчыце чырвонага колеру - залаты геральдычны знак з шаснаццаццю чорнымі палоскамі.

Чырвоны колер, колер прыгажосці, урачыстасці, знатнасці роду здаўна быў на гербах уладальнікаў Валожына.

Залаты геральдычны знак на чырвоным фоне ў выглядзе лацінскай літары W мае некалькі значэнняў. Знак-сімвал гарыстай зямлі Валожына, зямлі работнікаў і змагароў за свабоду. Ён нагадвае спелыя каласы - сімвал урадлівасці Валожынскай зямлі. Выява літары «W» нібы раскрытая кніга, што сведчыць аб асветніцкай дзейнасці Сымона Буднага ў Валожынскім раёне.

Акрамя таго, геральдычны знак нагадвае вяршыні старажытнай Налібоцкай пушчы, якая калісьці зусім блізка падступала да Валожына і з'яўлялася натуральнай прыроднай перашкодай для ворагаў.

Чатыры чорныя палоскі на кожным з чатырох элементаў геральдычнага знака - гэта свежыя разоры на полі як сімвал земляробства - асноўнага занятку валожынцаў на працягу чатырох часоў года.

Герб гарадскога пасёлка Івянец

Герб г/п Івянец зацверджаны Рашэннем Івянецкага пасялковага выканаўчага камітэта ад 19.08.1998 года і ўнесены ў Гербавы Матрыкул РБ 14.10.1998.

Элементы герба г. п. Івянец запазычаныя з родавых гербаў уладальнікаў Івянца, якія згадваюцца ў летапісах.

Герб Івянца - шчыт «варажскай» формы, чырвонага колеру, завостраны ўніз, з выявай залатой «жоўтай» графскай кароны, пад якой знаходзіцца элемент герба роду Салагуба - палова залатога «жоўтага» льва. Чырвонае поле шчыта адпавядае полю гербаў Мінскай вобласці і сімвалізуе ўрачыстасць, адвагу і рашучасць. Выява льва - сімвал сілы, мужнасці, вялікадушнасці. Залаты «жоўты» колер азначае справядлівасць, міласэрнасць, багацце. Графская карона - памяць аб тым, што ў пачатку 18 стагоддзя Івянец з'яўляўся цэнтрам графства.

Малюнак герба можа размяшчацца: на будынках або іншых месцах размяшчэння органаў дзяржаўнага кіравання, школ і іншых навучальных устаноў, бібліятэк, устаноў культуры, прадпрыемстваў і арганізацый дзяржаўнай і кааператыўнай уласнасці, якія маюць у сваёй поўнай назве слова «Валожынскі», грамадскіх арганізацый, вайсковай часткі, дзяржаўных устаноў, у месцах правядзення мітынгаў, гарадскіх святаў, спартыўных спаборніцтваў і іншых масавых мерапрыемстваў. У памяшканнях, а таксама ў службовых кабінетах кіраўнікоў і адказных работнікаў; на архітэктурных збудаваннях, помніках гісторыі і культуры, паказальніках з назвамі «Валожын», «Валожынскі» або вызначальныя межы горада і раёна, таблічках, якія паказваюць назву вуліц, або іншых славутасцяў; вакзалах, чыгуначнай станцыі «Валожын»; гандлёвых кропках дзяржаўнай і кааператыўнай уласнасці.

Права карыстання гербам можа быць дадзена толькі органам дзяржаўнай улады, які зацвердзіў эталон дадзенага герба. Асобы, вінаватыя ў пашкоджанні герба, нясуць адказнасць у адпаведнасці з дзеючым заканадаўствам.