Выстаўка пад такой назвай пачала працаваць у Івянецкім музеі традыцыйнай культуры. Гісторыя фатаграфіі налічвае амаль 180 гадоў.
А што маем мы?
Упершыню ў Івянцы права на адкрыццё фотаграфічнай майстэрні ў 1904 годзе атрымала 30-гадовая Брайна Дамская, ураджэнка Івянца. Праз год яна атрымала дазвол на фатаграфаванне па ўсёй Мінскай губерні.
У 20 – 30-я гады дзейнічалі дзве фотастудыі: “M. Konsystorum” і “R. Batwinik”.
У 50-я гады пры прамысловай арцелі імя Сталіна было фотаатэлье, якое з 1959 г. абсталявалася ў Доме быта. Там працавалі фатографамі вядомыя многім івянчанам майстры: Аляксандр Патапаў, Іосіф Высоцкі, Альфрэд Чылюк, Станіслаў Чычыра, Вікенцій Солтан, Раман Сакалоўскі, Барыс Мазанік, Генадзь Наумчык.
На выставе прадстаўлены аўтарскія фотаздымкі, калекцыя фатагарафічнай апаратуры, рэактывы і матэрыялы, якія паказваюць працэс і тэхніку вырабу фотаздымкаў.
Дапаўняе выстаўку паказ дыяфільмаў, створаных Анатолем Лявінскім.
Запрашаем наведаць выстаўку з 3 мая 2018 г. Прыходзьце, прыносьце свае фотаздымкі, дзяліцеся сваімі гісторыямі.