Адным з момантаў свята “Слуцкія паясы” стала дэфіле традыцыйных вясельных строяў. Сапраўднае тэатралізаванае прадстаўленне ад нашага раёна падрыхтавала дырэктар Ракаўскага цэнтра народнай творчасці Хрысціна Станіславаўна Лямбовіч. Малады з маладой у вясельных убраннях 50-х гадоў, бальшанкі - сяброўкі нявесты, маці нявесты, сват, музыкі весела, цікава і незабыўна адлюстравалі ў сваім прадстаўленні-дэфіле частку вясельнага абраду нашага раёна.

