У апошні дзень зімы і першы дзень вясны у Валожынскім раёне шырока адзначалася народнае свята Масленіца. Весела, з песнямі, жартамі, гульнямі, ладзілі работнікі клубных устаноў раёна любімае ўсімі свята. Галоўнымі элементамі стала спальванне пудзіла Зімы, частаванне смачнымі блінамі з гарбатай. Добра павесяліліся на свяце і дзеці, і дарослыя, кожнаму была магчымасць паказаць свой спрыт у гульнях, конкурсах, танцах.
Народны гурт народнай песні “Сваякі” раённага цэнтра культуры і народны гурт народнага гумару “Дубінскія фанабэры” весялілі сталічных гасцей у аграсядзібе “Бярозавы двор”, што ў вёсцы Даўбені, а артысты-аматары Сакаўшчынскага сельскага цэнтра культуры – у аграсядзібе “За масточкам” вёскі Замасцяны.
Народнае свята “Масленіца” праводзілі: Дорскі СДК, Падбярэзскі СЦК, Багданаўскі СЦК, Пугачоўскі СДК, Суднікаўскі СК.
