Народны гурт народнага гумару “Дубінскія фанабэры” 1 сакавіка на базе аграсядзібы “Дзяржынова” для сталічных медыкаў ладзілі свята “Пабачце цуд – зімы і вясны суд”. Для ўсіх гасцей гаспадыня “Масленіца” падрыхтавала бліны. Госці з задавальненнем удзельнічалі ў розных конкурсах і гульнях, спявалі песні і прыпеўкі, адгадвалі загадкі, танчылі побытавыя танцы. Закончылася свята спальваннем пудзіла зімы.