Валожынскі раённы
выканаўчы камітэт

Колькасць занятых у аграрным сектары з кожным годам памяншаецца. Гэта тэндэнцыя назіраецца і ў ААТ "Агра-Вішнеўскі". У 1999 годзе, калі мясцовую прафсаюзную пярвічку сельгаспрадпрыемства ўзначаліў Фёдар Іванавіч ЮША, на ўліку стаялі 150 членаў прафсаюза. Зараз жа іх толькі 66. Хаця, як гаварыў рускі палкаводзец А. В. Сувораў, ваююць не колькасцю, а якасцю...

Валожынскі раён газазабеспячэння філіяла ВУ “Дзяржынскгаз” УП “Мінскаблгаз” ажыццявіў акцыю “Дзень бяспекі пры карыстанні газам у быце”. Вядома, што недахоп пэўных ведаў і практычных навыкаў прыводзіць да сумных наступстваў, ахвярамі якіх часцей за ўсё аказваюцца дзеці.

Яніна Уладзіміраўна МУЧЫНСКАЯ амаль паўвека з’яўляецца членам прафсаюза. З 1987 па 2009 год яна ўзначальвала пярвічную арганізацыю раённага цэнтра гігіены і эпідэміялогіі. Кажа, што вельмі пашанцавала з калектывам – за шматгадовую працоўную біяграфію не памятае ні адной канфліктнай сітуацыі, якая б патрабавала стаць на абарону працуючага чалавека.

Тры гады ўзначальвала пярвічную прафсаюзную арганізацыю Валожынскага вузла электрасувязі Мінскага філіяла РУП “Белтэлекам” Жанна Барысаўна ЖАМОЗДЗІК. Сёлета эстафету з яе рук пераняў малады калега. І вельмі хацелася б, каб тыя традыцыі, якія сфарміраваліся пры Жанне Барысаўне, не былі страчаны.

У нашай краіне законныя інтарэсы работніка любой сферы дзейнасці абараняе прафсаюз. Быць членам прафсаюза – значыць быць пад аховай.

У 1988 годзе ў філіял КУП “Мінскаблдарбуд”-“ДРБУ № 167” атрымала накіраванне малады спецыяліст, інжынер-механік дарожных машын і абсталявання Таццяна Іосіфаўна РЭДЗЬКО. Старэйшыя калегі адразу ж распазналі ў ёй патэнцыял высакакласнага спецыяліста і лідарскія задаткі. Таму і не дзіва, што зусім хутка яе абралі старшынёй прафсаюзнай пярвічкі. Вось ужо чвэрць стагоддзя займае Таццяна Іосіфаўна гэту пасаду. 10 мая ў прафарганізацыі запланаваны справаздачна-выбарны сход. І, верагодней за ўсё, працоўны калектыў ДРБУ не захоча мяняць вопытнага прафсаюзнага лідара. Сама ж Т. І. Рэдзько зусім не супраць перадаць свае паўнамоцтвы. Аднак канчатковае рашэнне залежыць ад галасавання…

2019 год праходзіць пад знакавай для Беларусі датай перамогі над фашызмам. З гэтай нагоды адбываюцца мерапрыемствы, накіраваныя на захаванне і аднаўленне культурна-гістарычнай спадчыны, грамадзянска-патрыятычнае выхаванне моладзі.

Былі часы, калі ААТ “Валожынская райаграпрамтэхніка” з’яўлялася самым жаданым месцам працы. Тут людзі зараблялі нядрэнныя грошы, мелі пэўныя сацыяльныя гарантыі. Немалую ролю ў гэтым адыгрывала прафсаюзная арганізацыя прадпрыемства, якой 15 гадоў кіравала старшыня Ірына Іванаўна ЛУЖЫНСКАЯ. Сёння яна з настальгіяй успамінае, як у прыёмнай Уладзіміра Іванавіча Глябовіча штодня стаяла чарга з пяцідзесяці чалавек з просьбай: вазьміце на работу!

У ААТ “Суднікаўскі” працягваецца вясенне-палявая кампанія. Палеткі гаспадаркі складаюць 5119 гектараў, з іх 4323 – пасяўная плошча. Сяўба яравых зерневых завершана, зараз механізатары працуюць на палях, дзе будуць расці цукровыя буракі, лён, куруруза. Чакаецца, што ў бягучым годзе парадуюць ураджаем пшаніца, ячмень, жыта, авёс, бульба… Ходам работ задаволены кіраўнік гаспадаркі, спецыялісты. Не хаваюць эмоцый і тыя, хто шчыруе на палях, – вось-вось сяўба будзе завершана! А гэта самы важны і адказны крок у бок будучага ўраджаю.

На Міншчыне прайшоў XII абласны бацькоўскі сход “Бяспека дзяцей – адказнасць дарослых”. У гэты дзень больш за 200 прадстаўнікоў бацькоўскай грамадскасці Валожыншчыны сабраліся ў раённым Цэнтры культуры. У фае для гасцей былі аформлены тэматычныя выставы па пытаннях бяспекі непаўналетніх.