Валожынскі раённы
выканаўчы камітэт

У Беларусі на 1 верасня адкрыта амаль 73 тыс. дэпазітных рахункаў на сямейны капітал на суму амаль $729 млн, паведамілі карэспандэнту БЕЛТА ў Міністэрстве працы і сацыяльнай абароны.

"Беларуськалій" да 2025 года павялічыць вытворчыя магутнасці па выпуску ўгнаенняў да 15,5 млн т у год, паведаміў сёння журналістам генеральны дырэктар ААТ "Беларуськалій" Іван Галаваты, перадае карэспандэнт БЕЛТА.

Механізм работы Фонду падтрымкі сацыяльнага прадпрымальніцтва ў Беларусі плануецца распрацаваць да канца 2019 года ў рамках праекта "Падтрымка эканамічнага развіцця на мясцовым узроўні ў Рэспубліцы Беларусь". Аб гэтым карэспандэнту БЕЛТА паведаміла тэматычны каардынатар праекта Наталля Адамчык сёння ў час навучальнага семінара для ўдзельнікаў конкурсу ініцыятыў, накіраваных на развіццё інфраструктуры падтрымкі прадпрымальніцтва.

Мінская вобласць не прэтэндуе на маштабную забудову тэрыторыі паміж першай і другой кальцавымі дарогамі, паколькі гэтыя землі ў перспектыве могуць спатрэбіцца Мінску. Аб гэтым заявіў сёння журналістам намеснік старшыні камітэта па архітэктуры і будаўніцтву Мінаблвыканкама, галоўны архітэктар Мінскай вобласці Вадзім Нікалаенка на прэс-канферэнцыі ў прэс-цэнтры БЕЛТА.

Беларускія прадпрыемствы прадставяць сваю прадукцыю на кансалідаваным стэндзе ў час Міжнароднай выстаўкі машын і абсталявання дрэваапрацоўчай і мэблевай галін DREMA-2019, якая пройдзе 10-13 верасня ў міжнародным выставачным цэнтры Познані (Польшча), паведамілі БЕЛТА ў прэс-службе канцэрна "Беллеспаперапрам".

Санэпідслужба Мінскай вобласці на працягу жніўня старанна адсочвала, як рэалізуецца свежая плодаагароднінная прадукцыя і бахчавыя культуры. Толькі за апошні тыдзень амаль у палове выпадкаў былі выяўлены парушэнні, паведамілі БЕЛТА ў Мінскім абласным цэнтры эпідэміялогіі і грамадскага здароўя.

Ліцэнзаванне асобных відаў эканамічнай дзейнасці адмяняецца ў Беларусі з 1 кастрычніка. Гэта прадугледжана ўказам нумар 326 "Аб удасканаленні ліцэнзавання" ад 2 верасня 2019 года, паведамілі БЕЛТА ў Міністэрстве эканомікі.

На Валожыншчыне ўшанавалі першы камбайнавы экіпаж, які намалаціў больш за тысячу тон зерня. Героямі жніва сталі старшы камбайнеры Павел Паляшчук і камбайнер Аляксандр Смолік.

Вынікі месячніка Чырвонага Крыжа падвяла Валожынская раённая арганізацыя. Падчас яго ў рамках рэспубліканскай акцыі “Я – удзельнік міжнароднага руху Чырвонага Крыжа” на базе цэнтра творчасці дзяцей і моладзі раёна прайшоў адзіны Дзень інфармавання. Старшыня раённай арганізацыі А. У. Трацэўская наглядна прадэманстравала разнапланавую дзейнасць аб’яднання. Яна расказала пра гісторыю, прынцыпы і мэты Чырвонага Крыжа. Супрацоўнікам цэнтра творчасці, якія прымаюць актыўны ўдзел у рабоце раённай арганізацыі, Антаніна Уладзіміраўна ўрачыста ўручыла новыя білеты валанцёраў.

Старшыні раённай арганізацыі ГА “Беларускае таварыства дапамогі дзецям-інвалідам і маладым інвалідам” Ларысе Уладзіміраўне ШЧАРБАЧЭВІЧ за плённую дзейнасць па сацыяльнай адаптацыі дзяцей і моладзі з інваліднасцю ўручана Ганаровая грамата Міністэрства працы і сацыяльнай абароны Рэспублікі Беларусь.