Валожынскі раённы
выканаўчы камітэт

Мероприятие провела Ясинович Анастасия Андреевна председатель первичной организации ОСВОД совместно с нашими тренерами-преподавателями по плаванию и учащимися отделения плавания.

Сначала с учащимся провели беседу по мерам безопасности на льду, рассмотрели способы оказания помощи утопающим, а затем приступили к практической части, где ребята применяли в деле изученные способы. 

Рэспубліканскі ландшафтны заказнік “Налібоцкі” і аграсядзібу “Налібоцкія васількі” наведалі прадстаўнікі буйнейшай міжнароднай газеты “Файнэншл таймс”.

На базе дашкольнага цэнтра развіцця дзіцяці “Расінка” і гімназіі № 1 г. Валожына адбыўся раённы этап IX фестывалю работ даследчага характару дзяцей дашкольнага ўзросту і малодшых школьнікаў “Я – даследчык”. Ён накіраваны на тое, каб спрыяць развіццю інтэлектуальна-творчага патэнцыялу рабят, удасканаленню навыкаў даследчых паводзін і развіццю здольнасцей.

У арганізацыйны камітэт паступіла 40 работ з 21 установы адукацыі раёна. У фінале выступілі 13 дашкольнікаў і 19 малодшых школьнікаў. Юныя чамучкі прадставілі свае работы на адкрытай стэндавай абароне ў 8 намінацыях: “Бюро знаходак”, “Мая радзіма – Беларусь”, “Незвычайнае ў звычайным”, “Дзіця і прырода”, “Гуманітарныя веды”, “Прыродазнаўства (нежывая прырода)”, “Прыродазнаўства (жывая прырода)”, “Матэматыка, фізіка, тэхніка, робататэхніка”.

Рабяты вывучалі, якія лялькі больш падабаюцца сучасным дзяўчынкам, што такое шыпшыннік і за што чапляецца фасоля, са стараннасцю разбіраліся, ці можа цвіль “захапіць” школьны партфель, чым карысная капуста, яны разгадвалі таямніцы электрычнага току і іншыя загадкі і сакрэты.

Па выніках фестывалю былі вызначаны восем хлопчыкаў і дзяўчынак (па адной рабоце ў кожнай намінацыі), якія прадставяць Валожынскі раён на вобласці. З дашкольнікаў у іх лік увайшлі выхаванка ясляў-сада № 2 “Вясёлка” Ксенія Кеўра, што пад кіраўніцтвам Таццяны Бацян правяла даследаванне “А масліца не простае?”, выхаванец дашкольнага цэнтра развіцця дзіцяці “Расінка” Цімафей Глінскі з работай “Чаму ў футбол гуляюць футбольным мячом?” (кіраўнік Святлана Загорская) і Дар’я Уласенка з гэтай жа навучальнай установы, якая дазнавалася “Ці бываюць прафесіі ў сабак?” (кіраўнік Аксана Сахнова), выхаванец ясляў-сада “Лесавічок” г. п. Івянец з даследаваннем “Што прынеслі мае боты?” (кіраўнік Ірына Роман). Таксама ў спіс лепшых трапілі такія работы малодшых школьнікаў, як “Выкарыстанне пасудамыечнай машыны ў побыце эканамічна выгадна?” вучаніцы Івянецкай СШ Лізаветы Кучынскай (кіраўнік Ніна Бібік), “Уплыў звычайных і электронных цыгарэт на жывыя арганізмы” вучаніцы Ракаўскай СШ Софіі Марынай (кіраўнік Алена Кавалёва), “Пра што раскажа прыпеўка” вучаніцы СШ № 1 г. Валожына Марыі Завацкай (кіраўнік Таццяна Каланцар), “Танцуючы малюнак, або сакрэты ЭБРУ” вучаніцы гімназіі № 1 райцэнтра Аляксандры Нахай (кіраўнік Святлана Краскоўская). Пажадаем гэтым рабятам далейшых поспехаў.

Кожны год 3 снежня ва ўсім свеце адзначаецца Міжнародны дзень інвалідаў. Цікава і разнастайна заўсёды праходзіць ён у Івянецкім доме-інтэрнаце для дзяцей-інвалідаў з асаблівасцямі фізічнага развіцця і маладых інвалідаў.

Вось і на гэты раз да нас прыехалі даўнія сябры са знаёмай далёка за межамі Беларусі гандлёвай сеткі “Віталюр” на чале з намеснікам начальніка аддзела маркетынгу Таццянай Локун. І прыехалі з мноствам салодкіх падарункаў, а таксама з сертыфікатам на 52 тысячы рублёў, якія, як адзначыла наш дырэктар Алена Сігізмундаўна Петрашкевіч, вельмі спатрэбяцца пры абсталяванні вытворчых майстэрняў. Словы падтрымкі пачулі мы і ад старшыні Валожынскай раённай арганізацыі БТІ Віктара Субача. Ну а выхаванцы парадавалі гасцей і ўсіх прысутных сцэнічным майстэрствам, паказалі цікавы канцэрт і падарылі сувеніры, зробленыя сваімі рукамі.

 Алена ЛЫСЕНКА, вучаніца 8 класа Івянецкага дома-інтэрната

II абласны фестываль творчасці дзяцей-інвалідаў "Запалі сваю зорку" адбудзецца ў Дзяржынскім гарадскім Доме культуры. Ён стане стартавым мерапрыемствам традыцыйнай навагодняй дабрачыннай акцыі "Нашы дзеці", паведамілі БЕЛТА ў галоўным упраўленні па адукацыі Мінаблвыканкама.

Палажэнне аб парадку фарміравання тарыфаў (цэн) на жыллёва-камунальныя паслугі для насельніцтва і юрыдычных асоб зацверджана пастановай Савета Міністраў ад 5 снежня 2019 года нумар 837, паведамляе БЕЛТА са спасылкай на Нацыянальны прававы інтэрнэт-партал.

Дабрачынную акцыю з такой назвай правялі актывісты “Белай Русі”. З падарункамі ў ЦКРНіР і ТЦСАН завіталі намеснік старшыні раённай арганізацыі Ганна Канановіч, спецыяліст Людміла Прывал, юныя валанцёры.

Ва ўстанове адукацыі гасцей сустрэлі выхаванцы, педагогі і бацькі. З цёплымі словамі да іх звярнулася Г. М. Канановіч. Яна адзначыла, што «Белая Русь» ніколі не застаецца ўбаку ад добрых спраў, а тыя, хто прымаюць удзел у мерапрыемствах пад яе

эгідай, упэўнены: дарыць падарункі не менш каштоўна, чым самому атрымліваць прыемныя сюрпрызы. Вось і на гэты раз хлопчыкам і дзяўчынкам уручылі пакеты са сродкамі для ўласнай гігіены. Спецыяльны падарунак для цэнтра прыняла дырэктар Алеся Шпілеўская, яна выказала шаноўным гасцям словы ўдзячнасці. Пасля ўдзельнікі студыі “Звонкія галасы” гімназіі № 1 выступілі з невялікай канцэртнай праграмай.

У сацыяльнай установе адбылася сустрэча з выхаванцамі аддзялення дзённага знаходжання. Для іх падарункам сталі дыванкі для заняткаў спортам. Намеснік дырэктара Вольга Пракопчык адзначыла, што гэтыя карысныя рэчы абавязкова будуць выкарыстоўвацца падчас заняткаў па рухальнай актыўнасці. У зале ТЦСАН таксама гучала музыка, і салісткі Хрысціна Якутовіч, Ганна Місевіч, Ганна Шакун і Софія Пратасевіч радавалі прысутных сваімі спевамі.

Валянціна КРАЎНЕВІЧ, http://psl.by (фота аўтара)

У цэнтры карэкцыйна-развіваючага навучання і рэабілітацыі адбылося ўрачыстае адкрыццё кабінета дыягностыкі, сродкі на рамонт якога выдзелены Чэшскай рэспублікай у рамках рэалізацыі малога лакальнага праекта «Рэканструкцыя і закупка абсталявання для цэнтра для дзяцей-інвалідаў у Валожыне». У мерапрыемстве, што супала з Днём інвалідаў, прынялі ўдзел Надзвычайны і Паўнамоцны пасол Рэспублікі Чэхія ў Рэспубліцы Беларусь Томаш Перніцкі і яго намеснік Павел Бучак, старшыня раённага Савета дэпутатаў Пётр Бібік і начальнік упраўлення па адукацыі, спорце і турызме райвыканкама Таццяна Крыкала.

Супрацоўніцтва ЦКРНіР з чэшскімі дыпламатамі пачалося ў 2016 годзе. Тады з дапамогай замежных дабрачыннікаў быў адрамантаваны і абсталяваны санітарны пакой, адбылася замена акон у вучэбным класе. Праз пэўны час установа адукацыі атрымала яшчэ адзін падарунак у выглядзе роспісу сцен у некалькіх кабінетах. Гэта работа выканана валанцёрам-мастаком з Мінска Кацярынай Ганчарык.

Як адзначыла дырэктар установы Алеся Шпілеўская, агульная колькасць дзяцей з асаблівасцямі развіцця ў раёне складае 639 чалавек. 42 з іх атрымліваюць развіваючыя і рэабілітацыйныя паслугі непасрэдна ў цэнтры. З астатнімі займаюцца педагогі-дэфектолагі на базе школ у іншых населеных пунктах. Калі складаныя дыягназы не дазваляюць хлопчыкам і дзяўчынкам наведваць дзіцячыя калектывы, настаўнікі займаюцца з імі на даму. Справа дапамогі дзецям з інваліднасцю складаная, дробязей у ёй быць не можа. Таму любое ўдасканаленне матэрыяльнай базы абавязкова паляпшае якасць работы ў дадзеным кірунку.

Педагагічны калектыў, выхаванцы і іх бацькі з хваляваннем чакалі высокіх гасцей. Безумоўна, у гэты дзень хацелася паказаць увесь адукацыйны арсенал і творчыя набыткі, тым самым пацвердзіць: ахвяраванні сталі цудоўным дапаўненнем да таго, што робіцца сіламі саміх супрацоўнікаў.

Магчымасць прадэманстраваць прызначэнне сваіх кабінетаў, а разам з тым і коратка расказаць пра сутнасць заняткаў атрымалі педагог-псіхолаг Аляксандра Садоўская, настаўнік-дэфектолаг Святлана Вайкуль, выхавальнік дашкольнай адукацыі Алена Грыбоўская, настаўнік Іна Карачун. Ва ўтульнай актавай зале адбылася сустрэча з выхаванцамі і іх бацькамі. Невялікі, але яркі канцэрт, складзены з лепшых нумароў пад кіраўніцтвам музычнага кіраўніка Аксаны Севярын, парадаваў і выканаўцаў, і гледачоў.

Цэнтральнай падзеяй візіту стала працэдура адкрыцця новага кабінета. Права перарэзаць чырвоную стужку прадаставілі Томашу Перніцкаму і Пятру Бібіку. Затым педагогі Валянціна Каласкова і Наталля Макар пазнаёмілі гасцей з напаўненнем кабінета, расказалі пра яго прызначэнне. Функцыянальная дыягностыка – адзін з важнейшых этапаў у рабоце з дзецьмі, якія маюць розныя віды асаблівасцей развіцця. Перш чым распачаць дзейнасць па іх сацыялізацыі і навучанні, неабходна высветліць сутнасць парушэнняў і правільна вызначыць праграму, па якой будзе весціся работа.

Томаш Перніцкі шчыра падзякаваў педагагічнаму калектыву за клопат пра дзяцей, якім увага патрэбна асабліва. Ён адзначыў, што чэшская дыпламатычная місія і далей будзе супрацоўнічаць з валожынскай установай адукацыі. Адзначалася: добрыя справы, асабліва напярэдадні Каляд, – хрысціянскі абавязак кожнага чалавека. Пётр Бібік у сваю чаргу выказаў у адрас гасцей словы павагі за тое, што яны знаходзяць час і магчымасці не проста аказаць матэрыяльную дапамогу, а асабіста наведаць установу, дзе іх даўно лічаць сябрамі.

На развітанне намеснік дырэктара Таццяна Івашка нагадала, што зараз ва ўстанове праходзіць традыцыйная дэкада талерантнасці. У рамках яе ўжо адбыліся некалькі мерапрыемстваў. Да навага года іх пройдзе яшчэ мноства. Літаральна кожны дзень падорыць выхаванцам радасць і станоўчыя ўражанні. У мерапрыемствах прымаюць удзел валанцёры ад грамадскіх арганізацый, устаноў культуры і адукацыі, спонсары. Сярод тых, хто падтрымлівае цэнтр матэрыяльна, ёсць і прадстаўнікі мясцовага бізнесу. З асаблівай удзячнасцю тут называюць індывідуальнага прадпрымальніка Яўгенія Грыбоўскага, унітарнае прадпрыемства «Мантажбудкамплект-профіль», магазін «Максім».

Валянціна КРАЎНЕВІЧ,  http://psl.by (фота аўтара)

У Мінскай вобласці падчас вакцынацыі ад грыпу прышчапілі амаль 51% працуючага насельніцтва. Пра гэта карэспандэнту БЕЛТА паведаміла намеснік галоўнага ўрача Мінскага абласнога цэнтра гігіены, эпідэміялогіі і грамадскага здароўя Ірына Мілановіч.