Валожынскі раённы
выканаўчы камітэт

Вы не паверыце: і зноў - снежань!!! У крамах з'явіліся навагоднія ўпрыгажэнні і елкі, першыя балконы шматпавярховак асвяціліся маляўнічымі гірляндамі, дзеці старанна пішуць лісты Дзеду Марозу... Новы год на носе! І душа ва ўсіх, нават у тых, хто ўжо не верыць у цуды, чакае і просіць свята...

«Давайце зробім гэта свята разам!» - прапануе раённы выканаўчы камітэт - і аб'яўляе агляд-конкурс сярод прадпрыемстваў, устаноў, арганізацый на лепшае навагодняе афармленне фасадаў будынкаў і прылеглых тэрыторый.

Конкурс будзе праходзіць з 14 па 29 снежня ў некалькіх намінацыях.

Будзе ацэньвацца лепшае навагодняе ўбранне прадпрыемстваў, арганізацый і ўстаноў г. Валожына і раёна дзяржаўнай формы ўласнасці, выберуць самыя святочныя і прыбраныя офісы і тэрыторыі прыватных арганізацый, таксама ацэняць, як сустракаюць Новы год у вёсцы і навагодняе афармленне асабістых падворкаў грамадзян .

У кожнай з намінацый будзе вызначана тры прызавыя месцы, якія адзначаць дыпломамі і каштоўнымі падарункамі.

Давайце ж разам упрыгожым наш родны горад і вёскі, а спецыяльная камісія на чале са старшынёй райвыканкама Круковiчам Яўгенам Міхайлавічам вызначыць, у каго гэта атрымалася лепш, святочней, ярчэй і прыгажэй.

ПАЛАЖЭННЕ

аб правядзенні раённага агляду-конкурсу на лепшае навагодняе афармленне фасадаў будынкаў і прылеглых да іх тэрыторый прадпрыемстваў, устаноў, арганізацый Валожынскага раёна

1. Агульныя палажэнні

1.1. Дадзенае Палажэнне вызначае парадак правядзення раённага агляду-конкурсу на лепшае афармленне фасадаў будынкаў і прылеглых да іх тэрыторый прадпрыемстваў, устаноў, арганізацый, прыватных домаўладанняў раёна (далей - конкурс) у рамках падрыхтоўкі да святкавання Новага 2021 года.

1.2. Конкурс праводзіцца згодна з планам мерапрыемстваў Валожынскага раённага выканаўчага камітэта на 2020 год.

1.3. Тэрміны правядзення конкурсу: з 14 снежня па 29 снежня 2020 года.

1.4. Для арганізацыі і правядзення конкурсу ствараецца конкурсная камісія ў г. Валожыне і пры пасялковым і сельскіх выканаўчых камітэтах.

Ацэнку аб'ектаў у намінацыях і падрыхтоўку рашэння аб падвядзенні вынікаў конкурсу ажыццяўляе конкурсная камісія.

Конкурс праводзіцца ў адзін этап (з 14.12.2020 г. па 29.12.2020 г.).

Склад конкурснай камісіі па правядзенні конкурсу:

2. МЭТЫ І ЗАДАЧЫ КОНКУРСУ

2.1. Конкурс праводзіцца ў мэтах мастацкага афармлення прылеглых тэрыторый, фасадаў будынкаў арганізацый, прадпрыемстваў і ўстаноў раёна, сельскагаспадарчых арганізацый, прыватных домаўладанняў ў дні святкавання Новага года і калядных святаў, стварэння агульнага святочнага настрою ў жыхароў і гасцей раёна.

2.2. Асноўнымі задачамі конкурсу з'яўляюцца:

• актывізацыя дзейнасці, стымуляванне кіраўнікоў арганізацый і прадпрыемстваў раёна, індывідуальных прадпрымальнікаў, жыхароў у афармленні прылеглых тэрыторый, фасадаў будынкаў арганізацый і прадпрыемстваў, прыватных домаўладанняў;
• абагульненне і распаўсюджванне станоўчага вопыту ў справе паляпшэння мастацкага афармлення горада, населеных пунктаў раёна;

• стварэнне ўмоў для паўнавартаснага і эмацыйна-насычанага правядзення навагодніх мерапрыемстваў у горадзе і раёне;
• стварэнне святочнага настрою ў жыхароў раёна.

3. АРГАНІЗАТАРЫ, УДЗЕЛЬНІКІ КОНКУРСУ

3.1. Арганізатарам конкурсу з'яўляецца Валожынскі раённы выканаўчы камітэт.

3.2. Агульную каардынацыю і кіраўніцтва конкурсам ажыццяўляюць аддзел ідэалагічнай работы, культуры і па справах моладзі райвыканкама. Заяўкі на ўдзел падаваць па тэлефонах: 55545 (тэл., Факс) 55031; 55678 (факс), эл.пошта: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. да 07.12.2020 года . На тэрыторыі пасёлка, сельскіх Саветаў заяўкі на ўдзел прымаюць пассельвыканкамамі.

3.3. Заяўка на ўдзел у конкурсе афармляецца ў адвольнай форме з абавязковым указаннем: прозвішча, імя, імя па бацьку ўдзельніка, назва арганізацыі, прадпрыемства, адрас і кантактны тэлефон удзельніка, вiд намінацыі і фатаграфій з рознага ракурсу, прадстаўленага на конкурс святочнага афармлення аб'екта.

3.4. Арганізацыю работы па выкананні асноўных задач конкурсу ажыццяўляюць кіраўнікі прадпрыемстваў, устаноў і арганізацый раёна.

3.5. У конкурсе прымаюць удзел прадпрыемствы, установы, арганізацыі, якія ажыццяўляюць сваю дзейнасць на тэрыторыі Валожынскага раёна, незалежна ад формы ўласнасці, індывідуальныя прадпрымальнікі, а таксама ўсе жадаючыя жыхары горада і раёна.

4. УМОВЫ І ПАРАДАК ПРАВЯДЗЕННЯ КОНКУРСУ

4.1. Конкурс праводзіцца па наступных намінацыях :

• «Лепшае навагодняе афармленне арганізацыі, установы, прадпрыемства горада дзяржаўнай формы ўласнасці»;
• «Лепшае навагодняе афармленне сярод арганізацый, прадпрыемстваў недзяржаўнай формы ўласнасці, індывідуальных прадпрымальнікаў горада»;
• «Лепшае навагодняе афармленне сярод арганізацый, прадпрыемстваў, устаноў раёна» (не уключаючы г.Валожын);
• «Лепшае афармленне прыватнага домаўладання»;
• «Лепшае афармленне навагодняй елкі».

5. КРЫТЭРЫІ АЦЭНКІ Ў КОНКУРСЕ.

5.1. Афармленне фасада будынка і уваходнай групы (наяўнасць віншавальных зваротаў з Новым годам у выглядзе літарных паведамленняў або светлавых корабаў, афармленне светлавымі фігурамі і светлавым дажджом, а так жа гірляндамі з галін елкі).

5.2. Афармленне прылеглай тэрыторыі (выкарыстанне аб'ёмных скульптур, устаноўка, упрыгожванне жывых і штучных елак, афармленне дрэў, размешчаных на прылеглых да будынка тэрыторыях светлавой сеткай, светлавым дажджом, цацкамі і іншымі).

5.3. Афармленне вітражоў і вітрын (наяўнасць віншавальных паведамленняў з Новым годам, афармленне светлавымі гірляндамі, светлавымі шнурамі, іншымі дэкаратыўнымі свяцільнямі, выкарыстанне дэкаратыўных шароў, шнуроў, фігур Дзеда Мароза і Снягуркі і іншых тэматычных малюнкаў.

5.4. Адзінства стылю афармлення і цэласнасць кампазіцыі, гармонія каляровага рашэння ў афармленні.

5.5. Выкарыстанне новых дызайнерскіх рашэнняў у афармленні, мастацкая і эстэтычная відовішчнасць, арыгінальнасць і разнастайнасць прыёмаў і спосабаў навагодняга афармлення.

5.6. Пажарная бяспека і санітарны стан.

6. ПАДВЯДЗЕННЕ ВЫНІКАЎ КОНКУРСУ

6.1. Ацэнка аб'ектаў у намінацыях праводзіцца конкурснай камісіяй у адпаведнасці з табліцай (Дадатак) пасля агляду аб'ектаў конкурснай камісіяй фасадаў будынкаў і прылеглых да іх тэрыторый прадпрыемстваў, устаноў, арганізацый, прыватных домаўладанняў раёна, якія падалі заяўкі на ўдзел у конкурсе.

6.2. Па выніках агляду конкурсная камісія прымае рашэнне аб вызначэнні пераможцаў конкурсу 1, 2, 3 ступені.

6.3. Рашэнне конкурснай камісіі аб падвядзенні вынікаў конкурсу афармляецца пратаколам, які падпісваецца ўсімі членамі конкурснай камісіі.

6.4. Конкурсная камісія валодае правам не прысуджаць тое ці іншае месца, а таксама мае права адзначыць спецыяльнымі дыпломамі і прызамі удзельнікаў конкурсу за асаблівыя творчыя дасягненні.

6.5.Объезд прадпрыемстваў, устаноў і арганізацый, індывідуальных прадпрымальнікаў, індывідуальных жылых дамоў паводле пададзеных заявак будзе ажыццяўляцца членамі конкурснай камісіі з 21.12.2020 г. па 29.12.2020г.

6.6. Узнагароджанне ўдзельнікаў конкурсу адбудзецца на раённым мерапрыемстве, прысвечаным падвядзенню вынікаў работы арганізацый і працаўнікоў раёна за 2020 год.

7. ФІНАНСАВАННЕ

7.1 Фінансаванне правядзення конкурсу ажыццяўляецца за кошт сродкаў мясцовага бюджэту, прадугледжаных на правядзенне культурна-масавых мерапрыемстваў Валожынскім райвыканкамам.

7.2 Пераможцы ўзнагароджваюцца дыпломамі Валожынскага раённага выканаўчага камітэта і грашовымі прэміямі па кожнай намінацыі:

Намінацыя «Лепшае навагодняе афармленне арганізацыі, установы, прадпрыемства горада Валожына дзяржаўнай формы ўласнасці»:

• за I месца - прэмія 5 базавых велічынь;
• за II месца - прэмія 4 базавыя велічыні;

Намінацыя «Лепшае навагодняе афармленне сярод арганізацый, прадпрыемстваў горада Валожына недзяржаўнай формы ўласнасці»:

• за I месца - прэмія 5 базавых велічынь;
• за II месца - прэмія 4 базавыя велічыні;

Намінацыя «Лепшае навагодняе афармленне сярод арганізацый, прадпрыемстваў, устаноў Валожынскага раёна» (не уключаючы г. Валожын):

• за I месца - прэмія 5 базавых велічынь;
• за II месца - прэмія 4 базавыя велічыні;

Намінацыя «Лепшае афармленне прыватнага домаўладання»:

• за I месца - прэмія 5 базавых велічынь;
• за I месца - прэмія 5 базавых велічынь;
• за II месца - прэмія 4 базавыя велічыні;
• за II месца - прэмія 4 базавыя велічыні;
• за III месца - прэмія 3 базавыя велічыні.

Намінацыя «Лепшае афармленне навагодняй ёлкі»:

• за I месца - прэмія 5 базавых велічынь;
• за II месца - прэмія 4 базавыя велічыні;
• за III месца - прэмія 3 базавыя велічыні.

ДАДАТАК

Табліца адзнак аб'ектаў на лепшае навагодняе афармленне тэрыторый арганізацый, домаўладанняў Валожынскага раёна