У сувязі з гэтым узрастае значнасць прапаганды гігіенічных ведаў і прафілактыкі як сістэмы мер, накіраваных на ліквідацыю прычын і ўмоў, якія выклікаюць хваробы, стварэнне здароўезберагальнага асяроддзя жыццядзейнасці і фарміраванне ў насельніцтва матывацыі да здаровага ладу жыцця (ФЗЛЖ).
Ажыццяўляецца кантроль за ходам рэалізацыі ў Валожынскім раёне пратакола № 2 ад 30.10.2019 г. Міжведамаснага савета па ФЗЛЖ, кантролі за неінфекцыйнымі захворваннямі, папярэджанні і прафілактыцы п'янства, алкагалізму, наркаманіі і спажывання тытунёвай сыравіны і тытунёвых вырабаў пры Савеце Міністраў Рэспублікі Беларусь, комплекснага плана асноўных мерапрыемстваў па рэалізацыі на тэрыторыі Валожынскага раёна праекта «Горад 2019 – здаровы горад» на Валожын – 2022 гады» зацверджанага рашэннем Валожынскага райвыканкама ад 11.02.2019 № 130.
У рамках рэалізацыі праекта «Горад Валожын - здаровы горад», ведамствамі, арганізацыямі і ўстановамі праведзена пэўная праца.
Акцэнт зроблены на міжведамасным партнёрстве, калі вырашэннем пытанняў захавання і развіцця здароўя насельніцтва займаюцца не толькі органы аховы здароўя, але і ўсе гарадскія структуры.
На сайце раённага выканаўчага камітэта, РЦГіЭ створана рубрыка «Горад Валожын - здаровы горад».
У мэтах абароны грамадзян ад уздзеяння тытунёвага дыму, зніжэння пасіўнага курэння, стварэння бяздымнага навакольнага асяроддзя вызначаны 2 зоны, свабодныя ад курэння: сквер каля возера г. Валожына (рашэнне РВК ад 30.08. 2017года № 129) і тэрыторыя каля манумента «Брацкая магіла савецкіх воінаў і партызан» па вул.Чырвонаармейская аг.Ракаў (рашэнне Ракаўскага сельскага Савета дэпутатаў ад 16.06. 2020г. № 32).
У маі арганізавана і праведзена акцыя «Канікулы без дыму і агню». У рамках акцыі была арганізавана выстава дзіцячых творчых работ удзельнікаў гурткоў раённага цэнтра культуры. У вестыбюлі праходзіла дэманстрацыя відэаролікаў па здаровым ладзе жыцця і серыі мультыплікацыйных фільмаў «Азбука бяспекі». Адбыўся дабрачынны канцэрт у дапамогу медыцынскім работнікам УАЗ «Валожынская ЦРБ», падчас якога распаўсюджваўся інфармацыйны матэрыял прафілактычнай накіраванасці «Правілы па прафілактыцы інфекцыі COVID-19», «Сацыяльнае дыстанцыяванне», «Правілы рэспіраторнага этыкету».
На экалагічнай сцежцы паблізу в. Белакорац у Валожынскім раёне ў верасні прайшоў аматарскі марафон «Налібакі», які сабраў веласіпедыстаў і бегуноў.
З мэтай фарміравання ў навучэнцаў патрэбы весці здаровы лад жыцця ва ўстановах адукацыі арганізавана штодзённая праца спартыўных залаў, аб'яднанняў па інтарэсах «Футбол», «Гандбол», «Валейбол», праца кіраўнікоў фізвыхавання, трэнераў ДЮСШ.
Развіццю механізму прасоўвання ЗЛЖ на мясцовым узроўні спрыяе стварэнне лектарскіх груп «Аднагодак - аднагодку» па прапагандзе здаровага ладу жыцця і экалагічнай культуры.
Ва ўстановах адукацыі праводзяцца розныя мерапрыемствы:
у рамках шостага школьнага дня круглыя сталы «Пытанні і адказы пра здароўе», «Вольны час – актыўнаму адпачынку», «Формула здароўя», выступленні агітбрыгад «Не шкодным звычкам!», лекторыі «Прафілактыка залежнасцяў у падлеткаў», прафілактычныя гутаркі, адкрыты мікрафон «Быць здаровым важна, таму што...» і інш.;
Тыдня прафілактыкі шкодных залежнасцяў, конкурсы плакатаў і малюнкаў «Скажам – не шкодным звычкам» і інш.;
гасцявыя ўрокі «Бяспечныя канікулы» па прафілактыцы правапарушэнняў, шкодных звычак,
гасцявыя ўрокі па пытаннях фарміравання здаровага ладу жыцця з удзелам прадстаўнікоў УАЗ «Валожынская ЦРБ», раённага цэнтра гігіены і эпідэміялогіі.
Ва ўсіх пятнаццаці ўстановах адукацыі Валожынскага раёна функцыянуе міжведамасны інфармацыйны праект «Школа - тэрыторыя здароўя».
Штомесяц праводзяцца Дні здароўя, у тым ліку матчавыя сустрэчы па футболе, баскетболе, спартыўныя спаборніцтвы.
На інфармацыйных стэндах «Здаровае харчаванне» у сталовых устаноў адукацыі размешчаны матэрыялы «Сакрэты здаровага харчавання».
На базе ДУА «Цэнтр творчасці дзяцей і моладзі Валожынскага раёна» працуе аб'яднанне па інтарэсах «Здаровы лад жыцця», у якім займаецца 34 навучэнцы з устаноў агульнай сярэдняй адукацыі горада.
У бібліятэках ДУ «Валожынская цэнтральная раённая бібліятэка» прайшлі мерапрыемствы, накіраваныя на прафілактыку ўжывання алкаголю, наркатычных і іншых псіхатропных рэчываў, аб прававых наступствах парушэння заканадаўчых нормаў, якія рэгулююць ужыванне псіхаактыўных рэчываў: – «Час выбіраць жыццё», «Імя бяды - наркотык» выстава-дыялог (Сакаўшчынская сельская бібліятэка); «Свет супраць наркотыкаў» інтэрактыўны дыялог (Пугачоўская сельская бібліятэка); «Жыццё ці кайф» урок-роздум (Івянецкая гарпасялковая бібліятэка).
У рамках раённай акцыі «Валожыншчына спартыўная» праводзіцца цыкл спартыўных і спартыўна-масавых мерапрыемстваў для дзяцей і падлеткаў на базе фізкультурна-аздараўленчага комплексу.
Дзяржаўная ўстанова «Валожынскі тэрытарыяльны цэнтр сацыяльнага абслугоўвання насельніцтва» (далей – цэнтр) супрацоўнічае з рознымі рэлігійнымі канфесіямі і грамадскімі аб'яднаннямі па пытаннях прапаганды ідэалогіі маральных каштоўнасцяў і ЗЛЖ. Цэнтр на працягу 2-х гадоў паспяхова супрацоўнічае з МГА «Узаемаразуменне» і германскім фондам «Памяць. Адказнасць. Будучыня». Вынік супрацоўніцтва - арганізацыя работы па захаванні інтэлектуальнага здароўя ў пажылых людзей г. Валожына і Валожынскага раёна.
Праводзяцца мерапрыемствы, накіраваныя на павышэнне статусу і прэстыжу сям'і ў грамадстве, фарміраванне духоўна-маральных каштоўнасцяў: кіналекторый «Свет пачынаецца з сям'і», культурна-забаўляльнае мерапрыемства «Мая сям'я - маё багацце», занятак з элементамі арт-тэрапіі «Шчаслівая сям'я», занятак з элементамі трэнінгу «Сям'я – гэта тое, што заўсёды з табой».
Валожынскім філіялам КУП «Мінаблкінавідэапракат» у кінатэатры г. Валожына арганізавана правядзенне кіналекторыяў і кінапаказаў па прафілактыцы і папярэджанні вытворчага і бытавога траўматызму, гібелі людзей на водах, ужывання тытунёвых вырабаў, алкагольных напояў, наркатычных, таксічных і псіхатропных рэчываў.
На базе «Валожынскі тэрытарыяльны цэнтр сацыяльнага абслугоўвання насельніцтва» рэалізуецца пілотны праект па прафілактыцы неінфекцыйных захворванняў, выяўленні і карэкцыі фактаў рызыкі, кантролю ўзроўню артэрыяльнага ціску, узроўню цукру крыві.
Ва ўстановах, прадпрыемствах, арганізацыях горада аформлены інфармацыйныя стэнды, у тым ліку стэнд «Здаровы лад жыцця» са зменай матэрыялаў на актуальныя тэмы: прафілактыка курэння, алкагалізму, наркаманіі, грыпу, ВІЧ, рацыянальнае харчаванне і інш.
На шэрагу прадпрыемстваў прадугледжаны формы матэрыяльнага стымулявання работнікаў.
У г. Валожыне фізкультурна-аздараўленчым цэнтрам прадастаўляюцца паслугі па пракаце ровараў, палак для скандынаўскай хады, турыстычнага рыштунку. Сярод жыхароў горада вялікай папулярнасцю карыстаецца створаны сумесны веламаршрут «Валожынскіх гасцінцаў» і БГА «Адпачынак у вёсцы».
На дваравых і ўнутрыквартальных тэрыторыях жылой забудовы размешчаны і абслугоўваюцца 34 дзіцячыя гульнявыя пляцоўкі.
За 2020 год спецыялістамі Валожынскага РЦГіЭ апублікаваны 101 артыкул у раённай газеце «Працоуная слава», праведзены 41 выступ па раённаму радыё, накіраваны на прафілактыку захворванняў і захаванне і ўмацаванне здароўя. Праведзена 38 адзіных дзён здароўя і інфармацыйных кампаній (6 рэспубліканскіх і абласных акцый). Выдадзена і растыражавана 42 улёткі і памяткі агульным накладам 19750 экз.
У цэлым для прасоўвання ідэй прафілактыкі хвароб на тэрыторыях перад намі стаіць адказная задача - на месцах працу па фарміраванні здаровага ладу жыцця на ўсіх узроўнях інтэграваць з сённяшнімі задачамі па дасягненні Мэт устойлівага развіцця.
Праца па фарміраванні здаровага ладу жыцця, прапагандзе гігіенічных ведаў, рэалізацыі праекта «Горад Валожын - здаровы горад» працягваецца.
Урач-гігіеніст
(загадчык аддзела гігіены) С. А. Марчык
