У адпаведнасці з Падатковым кодэксам Рэспублікі Беларусь падатковую дэкларацыю (разлік) абавязаны прадставіць фізічныя асобы - падатковыя рэзідэнты Рэспублікі Беларусь, якія атрымалі падлягаючыя падаткаабкладанню даходы.
Да найбольш распаўсюджаных даходаў, якія падлягаюць падаткаабкладанню адносяцца:
- даходы, атрыманыя за мяжой і (або) з-за (у выглядзе заработнай платы за выкананне працоўных абавязкаў за мяжой, грашовы перавод з-за мяжы ад свайго сябра і т. п.);
- даходы, атрыманыя ад выплатнага адчужэння на працягу каляндарнага года грузавіка, аўтобуса, больш за адной легкавой машыны альбо больш аднаго механічнага транспартнага сродку;
- даходы, атрыманыя ад платнага адчужэння на працягу 5 гадоў другой (і больш) кватэры, дома, незавершанага будаўніцтвам капітальнага будынка, дачы, гаража, зямельнага ўчастка, машына-месца, аднаго зямельнага ўчастка, якія належаць на праве ўласнасці (долі ў праве ўласнасці на азначаную маёмасць);
- даходы, атрыманыя ў выглядзе вяртання ўзносаў пры спыненні будаўніцтва кватэр і (або) індывідуальных жылых дамоў або пры патанненні будаўніцтва, у выпадку прымянення ў дачыненні да сум такіх узносаў маёмаснага падатковага выліку;
- даходы, атрыманыя ў выніку дарэння ад фізічных асоб, якія не з'яўляюцца індывідуальнымі прадпрымальнікамі, у памеры, які перавышае 7003 беларускіх рублёў, у суме ад усіх крыніц на працягу 2020 года. Выключэнне складаюць даходы, атрыманыя ад фізічных асоб, якія знаходзяцца паміж сабой у адносінах блізкага сваяцтва, апекуна, папячыцеля i падапечнага.
Нагадваем, што падатковымі рэзідэнтамі Рэспублікі Беларусь прызнаюцца фізічныя асобы, якія фактычна знаходзіліся на тэрыторыі Рэспублікі Беларусь у каляндарным годзе больш за 183 дні.
З 2021 года плацельшчыкі абавязаны прадставіць у падатковы орган падатковую дэкларацыю (разлік) аб даходах:
- выплачаных у выглядзе вяртання грашовых сродкаў, унесеных у аплату кошту жылля, пры іх набыцці ў адпаведнасці з дагаворам стварэння аб'екта долевага будаўніцтва з наступным афармленнем дагавора куплі-продажу, які прадугледжвае аплату кошту гэтага жылля ў растэрміноўку, калі ў дачыненні да гэтых сум быў прадастаўлены маёмасны вылік.
- выплачаных у выглядзе вяртання страхавых узносаў пры датэрміновым скасаванні дагавораў добраахвотнага страхавання жыцця, дадатковай пенсіі, як да заканчэння трохгадовага перыяду, так і пасля заканчэння такога перыяду, калі ў дачыненні да гэтых сум быў прадастаўлены сацыяльны вылік.
Падатковую дэкларацыю (разлік) па падаходным падатку за 2020 год неабходна прадставіць не пазней 31 сакавіка 2021 года. Падатковы орган, атрымаўшы дэкларацыю, не пазней за 30 красавіка 2021 года накіруе паведамленне аб выплаце падаходнага падатку. Падатак на падставе паведамлення неабходна выплаціць не пазней за 1 чэрвеня 2021 года.
Падатковая дэкларацыя (разлік) па падаходным падатку з фізічных асоб можа быць прадстаўлена плацельшчыкам у пісьмовай форме ў падатковы орган незалежна ад месца пастаноўкі на ўлік асабіста або праз прадстаўніка, накіравана ў выглядзе паштовага адпраўлення або ў электронным выглядзе праз Асабісты кабінет плацельшчыка.
За парушэнне тэрміну прадстаўлення дэкларацыі ў адпаведнасці з Кодэксам аб адміністрацыйных правапарушэннях грамадзянін можа быць прыцягнуты да адміністрацыйнай адказнасці ў выглядзе штрафу.
Звяртаем увагу, што на перыяд правядзення кампаніі па дэклараванні ў падатковых органах усталяваны зручны для фізічных асоб рэжым працоўнага часу;
- у працоўныя дні з 08.00 да 19.00 без абедзеннага перапынку;
- у суботу 20 і 27 сакавіка 2021 года з 09.00 да 13.00.
Прыём падатковых дэкларацый (разлікаў) ажыццяўляецца ў інспекцыі МПЗ РБ па Валожынскім раёне па адрасе: г. Валожын пл. Свабоды 2, кабінет 226, тэлефоны: 57854, 58396.
