Дзяржаўная ўстанова «Валожынскі тэрытарыяльны цэнтр сацыяльнага абслугоўвання насельніцтва» сумесна з раённай арганізацыяй ГА «Беларускі саюз жанчын» аб'яўляе фотаконкурс для шматдзетных сем'яў «Ад трох да бясконцасці», які закліканы сабраць самыя дарагія моманты з жыцця шматдзетных сем'яў, папулярызаваць шматдзетнасць і спрыяць умацаванню сямейных каштоўнасцяў.
На фотаздымках павінны быць захаваны асабліва дарагія падзеі і цікавыя моманты з жыцця сям'і, сумеснага вольнага часу бацькоў і дзяцей.
Дапускаецца базавая апрацоўка фатаграфій, якія накіроўваюцца на конкурс, з дапамогай кампутарных праграм.
Фотакалажы не дапускаюцца да ўдзелу ў конкурсе. Забараняецца даданне рамак, подпісаў і вадзяных знакаў.
Працы на конкурс прадастаўляюцца па e-mail Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. з пазнакай – Фотаконкурс «Ад трох да бясконцасці».
Неабходна ўказаць:
- прозвішча і імёны ўдзельнікаў (аўтара);
- адрас, дзе пражывае сям'я;
- назву і кароткі каментар да фотаздымку;
- кантактныя дадзеныя (тэлефон);
Тэрміны правядзення конкурсу - з 4 па 13 мая 2021 года.
Лепшыя працы будуць апублікаваны ў СМІ.
Урачыстая цырымонія ўзнагароджання пераможцаў адбудзецца
15 мая 2021 года на свяце, прымеркаваным да Дня сям'і.
