Пастанова прынята ў мэтах рэалізацыі Указа Прэзідэнта Рэспублікі Беларусь ад 6 студзеня 2021 г. № 9 «Аб змяненні ўказаў Прэзідэнта Рэспублікі Беларусь» (далей – Указ № 9), які прадугледжвае ўдасканаленне дзеючага ў Рэспубліцы Беларусь механізму маркіроўкі тавараў кантрольнымі (ідэнтыфікацыйнымі) знакамі, а таксама стварэнне новага механізму - маркіроўкі тавараў сродкамі ідэнтыфікацыі, прадугледжанага Пагадненнем аб маркіроўцы тавараў сродкамі ідэнтыфікацыі ў Еўразійскім эканамічным саюзе ад 02.02.2018.
Так, у прыватнасці, пастановай вызначаюцца:
пералік тавараў, якія падлягаюць маркіроўцы ўніфікаванымі кантрольнымі знакамі;
пералік тавараў, якія падлягаюць маркіроўцы сродкамі ідэнтыфікацыі;
неабходнасць маркіроўкі рэшткаў тавараў, якія ўзнікаюць на дату ўключэння тавараў у пералік тавараў, якія падлягаюць маркіроўцы сродкамі ідэнтыфікацыі.
У пералік тавараў, якія падлягаюць маркіроўцы сродкамі ідэнтыфікацыі ў тым ліку ўключана:
малочная прадукцыя, што класіфікуецца кодамі адзінай ТН ЗЭД ЕАЭС 0401, 0402, 0403, 0405, 0406, 2105 00, 2202 99 910 0, 2202 99 950 0, 2202 99 990 0 (тэрмін увядзення маркіроўкі для сыроў і марожанага – з 08.07.2021, для малочнай прадукцыі з тэрмінам захоўвання больш за 40 сутак – з 01.09.2021, з тэрмінам захоўвання да 40 сутак (уключна) - з 01.12.2021, неабходнасць маркіроўкі рэшткаў не прадугледжваецца).
У адпаведнасці з пунктам 3 Палажэння аб маркіроўцы тавараў сродкамі ідэнтыфікацыі, зацверджанага ўказам № 9, прадугледжана, што суб'екты гаспадарання, якія ажыццяўляюць абарот тавараў са сродкам ідэнтыфікацыі, нанесеным непасрэдна на тавар або яго ўпакоўку альбо на матэрыяльны носьбіт, які не ўтрымлівае элементы (сродкі) абароны ад падробкі або знак абароны (далей – неабароненыя сродкі ідэнтыфікацыі), абавязаны выкарыстоўваць электронныя накладныя, у якіх указана інфармацыя аб нанесеных сродках ідэнтыфікацыі.
У адпаведнасці з выкладзеным, інфармуем суб'екты гаспадарання, якія ажыццяўляюць аптовы і рознічны гандаль малочнай прадукцыяй( у тым ліку ўвезенай з тэрыторыі Расійскай Федэрацыі), аб неабходнасці выкарыстання з 8 ліпеня 2021 г. электронных накладных.
