Увага конкурс!
Мінскі абласны выканаўчы камітэт аб'яўляе прыём заявак ад суб'ектаў гаспадарання Мінскай вобласці для ўдзелу ў чарговым конкурсным адборы інавацыйных праектаў (работ, мерапрыемстваў) для іх фінансавання за кошт сродкаў інавацыйнага фонду Мінскага абласнога выканаўчага камітэта ў 2022 г.
Заяўкі прымаюцца з 1 па 30 чэрвеня 2021 года ўключна.
Конкурс праводзіцца па наступных этапах:
- папярэдні разгляд заявачных матэрыялаў;
- навукова-тэхнічная экспертыза праектаў (работ, мерапрыемстваў) (ведамасная і дзяржаўная);
- адкрыты конкурсны адбор праектаў (работ, мерапрыемстваў);
- уключэнне інавацыйных праектаў у Дзяржаўную праграму інавацыйнага развіцця Рэспублікі Беларусь 2021-2025 гады (пры неабходнасці).
Арганізатарам адкрытага конкурснага адбору і ведамаснай навукова-тэхнічнай экспертызы праектаў (работ, мерапрыемстваў) з'яўляецца камітэт эканомікі Мінскага аблвыканкама.
Адкрыты конкурсны адбор і ведамасная навукова-тэхнічная экспертыза праектаў (работ, мерапрыемстваў) у адпаведнасці з напрамкамі выкарыстання сродкаў інавацыйнага фонду Мінскага аблвыканкама праводзіцца на падставе рашэння Мiнскага абласнога Савета дэпутатаў ад 31.01.2017 № 186 «Аб некаторых пытаннях фарміравання і выкарыстання сродкаў інавацыйнага фонду Мінскага абласнога выканаўчага камітэта» .
Для ўдзелу ў конкурсе арганізацыі, якія прэтэндуюць на атрыманне сродкаў інавацыйнага фонду, прадстаўляюць у камітэт эканомікі Мінскага аблвыканкама (на папяровым і электронным носбіце) наступныя дакументы:
- заяўку на ўдзел у конкурсным адборы;
- копію пасведчання аб дзяржаўнай рэгістрацыі;
- копію ўстаноўчых дакументаў;
- бізнес-план інавацыйнага праекта, распрацаваны ў адпаведнасці з пастановай Міністэрства эканомікі Рэспублікі Беларусь ад 31.08.2005 № 158 «Аб зацвярджэнні Правілаў па распрацоўцы бізнес-планаў інвестыцыйных праектаў»;
- заключэнне па інавацыйнаму праекту, аформленае па форме, устаноўленай пастановай Міністэрства эканомікі Рэспублікі Беларусь ад 25 ліпеня 2014 г. № 55 і (або) тэхніка-эканамічнае абгрунтаванне выканання праекта (работы, мерапрыемства) па прыкладаемай форме 1;
- інфармацыю аб праекце, прэтэндуючым на фінансаванне за кошт сродкаў інавацыйнага фонду Мінскага аблвыканкама, па прыкладаемай форме 2;
- інфармацыю аб фінансавым стане юрыдычнай асобы;
- іншыя дакументы і матэрыялы, звязаныя з выкананнем праектаў (работ, мерапрыемстваў).
Сродкі інавацыйнага фонду вылучаюцца:
- арганізацыям, маёмасць якіх знаходзіцца ў камунальнай уласнасці, гаспадарчым таварыствам, акцыі (долі ў статутных фондах) якіх знаходзяцца ў камунальнай уласнасці;
- навуковым, праектным і канструктарскім арганізацыям Рэспублікі Беларусь па-за залежнасці ад іх падпарадкаванасці;
- арганізацыям Рэспублікі Беларусь без ведамаснай падпарадкаванасці;
- іншым арганізацыям Рэспублікі Беларусь, якія з'яўляюцца плацельшчыкамі падатку на прыбытак у бюджэт Мінскай вобласці.
Пры неабходнасці дапускаецца долевае фінансаванне рэалізуемых (выконваемых) арганізацыямі Рэспублікі Беларусь праектаў (работ, мерапрыемстваў), названых у частцы першай пункта 6 Інструкцыі аб парадку фарміравання і выкарыстання сродкаў інавацыйнага фонду Мінскага абласнога выканаўчага камітэта, зацверджанай рашэннем Мінскага абласнога Савета дэпутатаў ад 30.01 .2017 № 186, са сродкаў рэспубліканскага цэнтралізаванага інавацыйнага фонду і інавацыйнага фонду Мінскага аблвыканкама.
Жадаючыя прыняць удзел у конкурсе могуць звяртацца па адрасе: г. Мінск, вул. Энгельса, 4, каб. 211, кантактныя тэлефоны: 8 (017) 500 42 30, 500 40 89.
