Адміністрацыйны штраф з'яўляецца самым распаўсюджаным відам адміністрацыйнага пакарання. Закон сведчыць аб тым, што адміністрацыйнае пакаранне з'яўляецца «мерай выхаваўчага характару».
У адпаведнасці з арт.17.2 Працэсуальна-выканаўчага кодэкса Рэспублікі Беларусь аб адміністрацыйных правапарушэннях штраф (за выключэннем штрафу, які спаганяецца на месцы) павінен быць выплачаны фізічнай асобай, падвергнутай адміністрацыйнаму спагнанню, не пазней аднаго месяца з дня ўступлення ў законную сілу пастановы аб накладанні адміністрацыйнага спагнання ў выглядзе штрафу.
У выпадках, калі кіроўца прызнае сябе вінаватым, інспектар ДПС ДАІ не складае адміністрацыйны пратакол за правапарушэнне, а выносіць пастанову аб накладанні адміністрацыйнага спагнання, якая ўступае ў сілу з моманту яе вынясення. Штраф можна аплаціць на месцы або на працягу аднаго месяца на разліковы рахунак у банку ці праз сістэму АРІП. Калі штраф не аплаціць ва ўстаноўлены законам тэрмін, то згодна з часткай 1 артыкула 17.1 Працэсуальна-выканаўчага кодэкса Рэспублікі Беларусь аб адміністрацыйных правапарушэннях штраф павялічваецца на дзве базавыя велічыні (64 рубля) і можа быць спагнаны прымусова.
Да прыкладу, калі за парушэнне ПДР асоба падвергнутая адміністрацыйнаму спагнанню ў выглядзе штрафу ў памеры 0,5 базавай велічыні, што ў грашовым выражэнні складае 16 рублёў. А вось ужо ў выпадку нявыплаты штрафу на працягу 30 дзён давядзецца заплаціць 80 рублёў.
Што тычыцца прымусовага спагнання штрафу, то ў адпаведнасці з арт.17.3 Працэсуальна-выканаўчага кодэкса Рэспублікі Беларусь аб адміністрацыйных правапарушэннях у выпадку нявыплаты штрафу даўжніком ва ўстаноўлены тэрмін, у аддзел прымусовага выканання накіроўваецца прадстаўленне. Супрацоўнікі АПІ могуць спагнаць штраф шляхам выліку ўстаноўленай сумы з заработнай платы даўжніка, прыпыніць поўнасцю або часткова аперацыі па бягучых і іншых банкаўскіх рахунках, апісаць або арыштаваць яго маёмасць, абмежаваць прадастаўленне паслуг сувязі (інтэрнэт, зала, космас, карыстанне мабільнай сувяззю), а таксама часовым абмежаванні права на кіраванне механічнымі транспартнымі сродкамі, маторнымі маламернымі судамі, правы на паляванне да выканання штрафу.
З 1 студзеня 2020 года ў грамадзяніна Рэспублікі Беларусь, які з'яўляецца даўжніком, за нявыплату штрафу ДАІ сума доўгу аўтаматычна спісваецца з яго разліковага рахунку (пры яго наяўнасці), бо пачала функцыянаваць новая аўтаматызаваная сістэма выканання грашовых абавязацельстваў (АІС ІДА).
У адпаведнасці з арт. 8.7 Працэсуальна-выканаўчага кодэкса Рэспублікі Беларусь аб адміністрацыйных правапарушэннях у мэтах забеспячэння выканання пастановы аб накладанні адміністрацыйнага спагнання ў выглядзе штрафу службовая асоба органа, які вядзе адміністрацыйны працэс, мае права накласці арышт на маёмасць. Накладанне арышту на маёмасць заключаецца ў аб'яўленні яго ўласніку або асобе, у якой маёмасць знаходзіцца, забароны на распараджэнне ім, а ў неабходных выпадках — і на карыстанне гэтай маёмасцю.
Плаціць ці не плаціць штраф… Аплаціць яго давядзецца ў любым выпадку! А вось у якім памеры, ці будзе сума першапачатковай, ці да яе дадацца прымусовы збор - гэта ўжо іншае пытанне.
Начальнік АДАІ Валожынскага РАУС
маёр міліцыі
Л. П. Гіль
