Міністэрства працы і сацыяльнай абароны Беларусі паведаміла ў якія дні будуць працаваць і адпачываць жыхары нашай краіны ў сувязі з майскімі святамі.
Радаўніца прыпадае на 3 мая, а значыць, гуляць можна будзе 30 красавіка (субота), 1 (нядзеля), 2 (панядзелак) і 3 мая (аўторак). У гэтым месяцы прыйдзецца яшчэ раз адпачыць тры дні запар з 7 па 9 мая (панядзелак).
Пры гэтым, працоўны дзень з 2 мая (панядзелак) пераносіцца на 14 мая (субота).
Арганізацыі, абапіраючыся на спецыфіку сваёй працы, могуць і інакш пераносіць працоўныя дні. Але гэты перанос павінен адпавядаць заканадаўству, дадалі ў ведамстве.
Не будзе і дадатковага выхаднога на 3 ліпеня, бо Дзень незалежнасці трапляе на нядзелю.
У наступны раз працяглыя выхадныя чакаюць беларусаў толькі восенню: яны будуць з суботы 5 лістапада па панядзелак 7-га.
