Стартавала рэспубліканская акцыя «Не пакідайце дзяцей адных!»
Лічбы статыстыкі дзіцячага траўматызму не могуць пакінуць абыякавым ніводнага дарослага чалавека: ад знешніх прычын штогод гінуць больш за 100 дзяцей. Атручэнні, дарожна-транспартныя здарэнні, праглынанне іншародных прадметаў, выпадзенне з вокнаў, пажары – гэта далёка не поўны пералік сітуацый, якія могуць прывесці да трагедыі.
У асноўным гэта здараецца з-за ігнаравання дарослымі вялікай праўды - не пакідаць дзіця без нагляду. Таму кожны раз, належачы на поспех, бацькі мімаволі гуляюць у латарэю, выйсці пераможцам з якой атрымоўваецца далёка не ўсім…
З мэтай прыцягнення ўвагі да праблем дзіцячага свавольства з агнём і гібелі дзяцей на пажарах, зніжэння колькасці надзвычайных сітуацый з удзелам дзяцей і забеспячэння іх агульнай бяспекі (дома, на вуліцы, адпачынку, вадаёме і інш.) з 10 мая па 1 чэрвеня пройдзе рэспубліканская акцыя «Не пакідайце дзяцей адных!», прымеркаваная да Міжнароднага Дня сям'і і Дня абароны дзяцей, у рамках якой работнікі МНС прывядуць бацькам 1000 і 1 довад, чаму дзецям нельга заставацца дома адным, і раскажуць, як не стаць ахвярамі ўласных памылак.
У рамках першага этапу мерапрыемствы пройдуць у месцах, дзе бацькі адпачываюць разам з дзецьмі. Там будуць арганізаваны інтэрактыўныя пляцоўкі з конкурсамі, віктарынамі, гульнямі, удзельнікам якіх уручаць сувенірную, навучальную, наглядна-выяўленчую прадукцыю.
Мерапрыемствы другога этапа пройдуць з 23 мая па 1 чэрвеня. У цэнтры ўвагі будуць будучыя і маладыя бацькі. Традыцыйна ўпор будзе зроблены на мам, бо менавіта яны праводзяць большую частку свайго часу з дзецьмі.
Акцэнт будзе зроблены і на шматдзетныя і знаходзячыеся ў сацыяльна-небяспечным становішчы сям'і. «Бяспека» мэтавай аўдыторыі будзе дастаўлена проста на дом, дзе работнікі МНС правядуць гутаркі, гульні і віктарыны па ЗБЖ як з дзецьмі, так і з іх бацькамі.
Фінальнае мерапрыемства пройдзе 1 чэрвеня. Інтэрактыўныя зоны актыўнасці, віктарыны і рухомыя конкурсы, дэманстрацыя аварыйна-ратавальнай тэхнікі і абсталявання, распаўсюджванне навучальнай наглядна-выяўленчай прадукцыі - гэта далёка не ўвесь спіс таго, што падрыхтавалі для дзяцей і іх бацькоў работнікі МНС.
Ратавальнікі заклікаюць не пакідаць маленькіх дзяцей адных: вы заўсёды павінны быць побач з імі на адлегласці выцягнутай рукі. Навучайце сваіх дзяцей, абмяркоўвайце з імі пытанні бяспекі і будзьце для іх прыкладам!
