Міністэрства спорту і турызму і Нацыянальнае агенцтва па турызме пры падтрымцы Міністэрства інфармацыі, Міністэрства культуры і Міністэрства адукацыі з 16 мая па 27 верасня 2022 года праводзяць II Рэспубліканскі конкурс сацыяльнай рэкламы «#Познай Беларусь».
Конкурс праводзіцца з мэтай папулярызацыі ўнутранага турызму з наступным прыцягненнем шырокіх пластоў насельніцтва да здзяйснення турыстычных падарожжаў па тэрыторыі Беларусі.
Задачы конкурсу:
- фарміраванне пазітыўнага стаўлення да здзяйснення падарожжаў унутры краіны;
- павышэнне цікавасці грамадзян да наведвання турыстычных рэсурсаў і іншых аб'ектаў, прывабных для турыстаў;
- папулярызацыя гісторыка-культурнай, ваенна-патрыятычнай спадчыны і прыроднага набытку Беларусі;
- уцягванне грамадзян у сацыяльна-культурнае жыццё Беларусі;
- пашырэнне магчымасцей для творчай самарэалізацыі ўдзельнікаў.
У конкурсе заяўлены 3 намінацыі: «слоган», «плакат», «відэаролік».
Да ўдзелу у конкурсе запрашаюцца ўсе жадаючыя: фізічныя асобы, уключаючы дзяцей і навучэнскую моладзь (студэнты ўстаноў вышэйшай адукацыі, навучэнцы ўстаноў сярэдняй спецыяльнай, прафесійна-тэхнічнай і сярэдняй адукацыі) ), а таксама юрыдычныя асобы і індывідуальныя прадпрымальнікі.
Заяўка разам з конкурснай работай падаецца ўдзельнікам конкурсу на электронную пошту Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. з паметкай «#Познай Беларусь» не пазней за 1 верасня 2022 года па форме паводле дадатку 1 да Палажэння конкурсу.
Прыём заявак здзяйсняецца з 16 мая па 1 верасня 2022 года.
