У адпаведнасці з артыкулам 208 Падатковага кодэкса Рэспублікі Беларусь даходы, якія атрымліваюцца ад збору і здачы лекавай расліннай сыравіны, дзікарослых ягад, арэхаў і іншых пладоў, грыбоў, іншай дзікарослай прадукцыі арганізацыямі і (або) індывідуальнымі прадпрымальнікамі, адносяцца да даходаў, што вызваляюцца ад выплаты падаходнага падатку з фізічных асоб.
Інспекцыя Міністэрства па падатках і зборах Рэспублікі Беларусь па Валожынскім раёне звяртае ўвагу, што ў мэтах вызвалення ад выплаты падаходнага падатку з фізічных асоб суб'екты гаспадарання павінны выконваць устаноўлены заканадаўствам парадак ажыццяўлення дзейнасці па нарыхтоўцы (закупцы) дзікарослых раслін (або іх частак).
Так, у адпаведнасці з пунктам 12 пастановы Савета Міністраў Рэспублікі Беларусь ад 04.10.2011 № 1320, падпунктам 2.1 пункта 2 пастановы Міністэрства прыродных рэсурсаў і аховы навакольнага асяроддзя Рэспублікі Беларусь ад 15.12.2016 № 40 суб'екту гаспадарання неабходна да пачатку ажыццяўлення дзейнасці па закупцы ў насельніцтва лекавай расліннага сыравіны, дзікарослых ягад паведаміць мясцовыя выканаўчыя і распарадчыя органы аб плануемай дзейнасці на тэрыторыі іх раёнаў, а таксама штомесяц у тэрмін да 10-га чысла месяца, наступнага за справаздачным, прадстаўляць інфармацыю аб аб'ектах расліннага свету і абыходжанні з імі для ўключэння ў Дзяржаўны кадастр расліннага свету.
У выпадку парушэння ўстаноўленага парадку вызваленне ад выплаты падаходнага падатку з даходаў, выплачаных фізічным асобам за здадзеную прадукцыю, не прадастаўляецца.
