Экскурсію ў ландшафтны заказнік «Налібоцкі» для выхаванцаў аздараўленчага лагера з дзённым знаходжанне «Сонечны горад» арганізавала ўпраўленне па працы, занятасці і сацыяльнай абароне райвыканкама. Сярод удзельнікаў экскурсіі прысутнічалі члены школьнага клуба «Юны эколаг», якія мараць звязаць сваю будучыню з прафесіямі экалагічнай накіраванасці.
Мэта экскурсіі - аказанне дапамогі выхаванцам ва ўсвядомленым выбары будучай прафесіі, зацікавіць навучэнцаў і пашырыць уяўленне аб свеце прафесій.
Разам з педагогамі Біцель Алай Іванаўнай і Рубацкай Святланай Мікалаеўнай хлопцы наведалі ўрочышча Цякава Налібоцкай пушчы - месца пражывання тарпанавідных коней польскай пароды «Конік».
Намеснік дырэктара заказніка «Налібоцкі» Тумель Сяргей Іванавіч азнаёміў з гісторыяй паходжання гэтага віду жывёл, калі і адкуль завезлі коней, як яны прыжыліся на новым месцы.
Таксама ўдзельнікі экскурсіі наведалі гадавальнік па гадоўлі птушак, які быў створаны ў 2016 годзе. У завяршэнне экскурсіі хлопцы прайшліся па сцежцы «Сябрынскае скрыжаванне», якая створана ў 2012 годзе для экалагічнай адукацыі школьнікаў.
Навучэнцы даведаліся цікавыя факты аб прафесіях егера, эколага, таксама мелі магчымасць падзяліцца ўражаннямі, атрымалі адказы на цікавячыя пытанні. Час быў праведзены ў прыемным зносінах і з карысцю.
Крыніца: psl.by
