Каб нагадаць жыхарам і гасцям Валожынскага раёна аб важнасці правілаў бяспекі на вадзе, ратавальнікі штодзень праводзяць рэйдавыя мерапрыемствы па месцах купання.
А ў гэтыя выхадныя на пляжы Сакаўшчынскага вадасховішча ў рамках акцый «Летні патруль» і «Канікулы без дыму і агню!» прайшло прафілактычнае мерапрыемства, якое арганізавалі для адпачываючых работнікі Валожынскага раённага аддзела па надзвычайных сітуацыях і старшыня раённай грамадскай арганізацыі АСВОД Іван Сухадолец.
З дапамогай навучальных гульняў і віктарын арганізатары нагадалі і дарослым, і дзецям аб правілах бяспекі як на адпачынку ля вады, так і ў побыце. А юныя ратавальнікі з клуба «Ліквідацыя» сумесна са старшынёй АСВОД прадэманстравалі прысутным як дзейнічаць, калі на вашых вачах чалавек пачаў тануць. За актыўны ўдзел у акцыі кожны атрымаў ад ратавальнікаў карысны падарунак. На працягу ўсяго мерапрыемства дзятву радавала водная феерыя ад ратавальнікаў. Дарослыя таксама не засталіся ў баку.
Адпачываючы ля вады абавязкова выконвайце правілы бяспекі. Беражыце сябе і сваіх дзяцей!
Для даведкі.
Пералік месцаў для купання, зацверджаных рашэннем Валожынскага райвыканкама:
- зона масавага адпачынку «Валожынскае вадасховішча»;
- зона масавага адпачынку «Жоўты бераг»;
- зона масавага адпачынку «Сакаўшчына»;
- зона масавага адпачынку «Выганічы»;
- зона масавага адпачынку «Пагарэлка»
