З 1 студзеня 2023 года юрыдычныя асобы і індывідуальныя прадпрымальнікі пры ажыццяўленні рознічнага гандлю харчовымі таварамі, у тым ліку сельскагаспадарчай прадукцыяй, на кірмашах, гандлёвых месцах абавязаны выкарыстоўваць касавае абсталяванне.
Звяртаем увагу, што аднамаментнае падключэнне ўсіх зацікаўленых суб'ектаў гаспадарання не ўяўляецца магчымым.
У сувязі з чым, неабходна загадзя набыць касавае абсталяванне і падлучыць яго да сістэмы кантролю касавага абсталявання для чаго неабходна заключыць з рэспубліканскім унітарным прадпрыемствам «Інфармацыйна-выдавецкі цэнтр па падатках і зборах» (далей - РУП ІВЦ) грамадзянска-прававую дамову на рэгістрацыю і інфармацыйнае абслугоўванне касавага абсталявання ў сістэме кантролю касавага абсталявання (далей - СККА), падаць заяўкі на падключэнне касавага абсталявання да СККА.
Азнаёміцца з дамовай з РУП ІВЦ можна на сайце https://skko.by/
Інфармацыя аб аператарах праграмных касавых сістэм, праграмных касавых сістэмах і праграмных касах, дапушчаных да выкарыстання на тэрыторыі Рэспублікі Беларусь, размешчана ў глабальнай камп'ютарнай сетцы Інтэрнэт на афіцыйным сайце РУП ІВЦ (https://info-center.by/services/cashdesks).
Інфармацыя аб мадэлях касавых апаратаў, дазволеных да выкарыстання на тэрыторыі Рэспублікі Беларусь, змяшчаецца ў Дзяржаўным рэестры мадэляў (мадыфікацый) касавых падсумоўваючых апаратаў і спецыяльных камп'ютарных сістэм, якія выкарыстоўваюцца на тэрыторыі Рэспублікі Беларусь і даступна на афіцыйным сайце Дзяржаўнага камітэта па стандартызацыі (https://registry.belgiss.by/).
Перад зваротам у РУП ІВЦ суб'ектам гаспадарання:
- Маючым намер выкарыстоўваць праграмную касу, неабходна заключыць дагавор з аператарам праграмнай касавай сістэмы;
- Маючым намер выкарыстоўваць касавы апарат, неабходна заключыць дагавор з цэнтрам тэхнічнага абслугоўвання і рамонту касавых апаратаў (далей - ЦТА) на тэхнічнае абслугоўванне і рамонт касавага апарата.
Да набыцця суб'ектамі гаспадарання касавых апаратаў і праграмных кас неабходна ўдакладняць у прадаўцоў касавага абсталявання магчымасць наступнай дапрацоўкі касавых апаратаў або праграмных кас для выкарыстання пры рэалізацыі тавараў, якія падлягаюць маркіроўцы ўніфікаванымі кантрольнымі знакамі або сродкамі ідэнтыфікацыі. Дапрацоўка і замена касавага абсталявання для выкарыстання пры рэалізацыі тавараў, якія падлягаюць маркіроўцы ўніфікаванымі кантрольнымі знакамі або сродкамі ідэнтыфікацыі, плануецца ў 2023-2025 гадах.
З пералікам ЦТА можна азнаёміцца па спасылцы https://skko.by/service_centers/.
Падрабязная інфармацыя па пытанні набыцця і падключэння касавага абсталявання да СККА размешчана на афіцыйным сайце РУП IВЦ у раздзеле «Сістэма кантролю касавага абсталявання».
