Дарагія чытачы!
Канікулы - лепшы час, каб заняцца любімымі справамі і пачытаць, нарэшце, што хочацца, а не тое, што задалі. У Валожынскай дзіцячай бібліятэцы шмат новых, цікавых і пазнавальных кніг, на любыя густы і інтарэсы. Гэта кнігі розных жанраў: дзіцячыя дэтэктывы, фэнтэзі і «жахі», вясёлыя гісторыі пра дзяцей, казкі і апавяданні пра жывёл. Чытаючы кнігі можна адправіцца ў казачнае падарожжа, раскрыць таямнічае злачынства, памарыць і дамагчыся, здавалася б, немагчымага або практычна разабрацца ў сутнасці рэчаў.
Прыходзьце і прыводзьце сваіх сяброў і аднакласнікаў! Вас чакае шмат прыемных, доўгачаканых, а часам і нечаканых сустрэч не толькі з кнігамі ўжо ўпадабаных аўтараў, але, магчыма, вы адкрыеце для сябе імёны маладых, але вельмі таленавітых пісьменнікаў!
