Неасцярожнае абыходжанне з агнём, у тым ліку неасцярожнасць пры курэнні - да гэтага часу адна з самых распаўсюджаных прычын пажараў з гібеллю людзей. Не сакрэт, што часта падзеі з гібеллю людзей развіваюцца па сцэнары «выпіў - закурыў - заснуў - не прачнуўся». Нават калі выключыць з гэтага ланцужка першае звяно, сумных наступстваў не пазбегнуць.
Аднак часцей за ўсё ахвярамі агню ў такіх выпадках становяцца грамадзяне, якія злоўжываюць спіртным, вядуць асацыяльны лад жыцця. І калі на вуліцы п'яны курэц мог выпусціць палаючую цыгарэту на зямлю або асфальт, то дома яна падае на падлогу або ў ложак. А калі гэта яшчэ і кватэра ў шматпавярхоўцы?
У лепшым выпадку наступствы - гэта апёкі рознай ступені цяжкасці і значны матэрыяльны ўрон, але, як правіла, нядбайныя курцы плацяць цану куды большую, чым можна выказаць у грашовым эквіваленце - жыццё, вось што ім даводзіцца пакласці на алтар уласнай бестурботнасці, і часта не толькі сваё жыццё.
Віноўнiкi пажараў часцей гінуць не ад агню, а ў выніку атручэння прадуктамі гарэння. У стане алкагольнага ап'янення людзі не здольныя адэкватна ўспрымаць рэчаіснасць, і, як следства, інстынкт самазахавання прытупляецца. Яны засынаюць з непатушанай цыгарэтай, ад якой спачатку загараюцца пасцельныя прыналежнасці, а затым і іншая маёмасць. Нажаль, з першага разу гэта разумеюць далёка не ўсё. Некаторых заўзятых курцоў ратавальнікі ратуюць неаднаразова.
Акрамя таго, злашчасная цыгарэта можа быць адной, а ахвяр пажару адразу некалькі. З-за курца можа спатрэбіцца і эвакуацыя суседзяў. Да таго ж, большасць такіх пажараў здараецца ноччу. Таму наіўна было б меркаваць, што праблема «неасцярожнага курэння ў ложку» вас асабіста ніколі не закране.
Памятайце:
- ні ў якім разе не паліце ў ложку, а таксама зблізку лёгка запальваючыхся рэчываў і матэрыялаў, гэтага ж патрабуйце ад наведваючых вас гасцей;
- не пакідайце ў попельніцы непагашаныя недакуркі і запалкі, не кідайце іх у смеццевыя кошыкі і месцы, дзе магчыма ўзгаранне згаральных матэрыялаў;
- не кідайце недакуркі з балконаў ці вокнаў. Яны могуць справакаваць пажар, трапіўшы на балконы ці лоджыі ніжэй размешчаных паверхаў, дзе часта захоўваюцца старыя рэчы;
- зачыняйце вокны і дзверы балконаў пры сыходзе з кватэры для выключэння заносу крыніцы загарання ў памяшканне;
- не кідайце непагашаныя цыгарэты у ніжнія пралёты лесвічнай клеткі ці шахту ліфта.
І памятайце, што вашы жыццё і здароўе залежаць, перш за ўсё, ад вашага ладу жыцця!
Крыніца: valozhin.by
