Валожынскі раённы
выканаўчы камітэт

Купіць дом мары стане прасцей. Лясгасы прапануюць беларусам зрубы дамоў і лазняў па даступных цэнах. Азнаёміцца з узорамі ўжо ў хуткім часе можна будзе на фірменных гандлёвых пляцоўках лясгасаў пад брэндам "Лясны домік". Сапраўдныя лясныя падворкі з'явяцца ў Мінску па адрасе Лагойскі тракт, 52. Чакаецца, што яны запрацуюць да канца лютага. ДВЛГА з усёй краіны прапануюць беларусам ужывую азнаёміцца з узорамі зрубаў дамоў і лазняў, міні-домікаў для сваіх гадаванцаў, альтанкамі, арэлямі і іншай прадукцыяй, што вырабляецца лясгасамі. Усе ўзоры можна будзе памацаць, а ўпадабаныя домікі, альтанкі, лазні замовіць прама на месцы. Продаж гатовых драўляных дамоў - пілотны праект, які рэалізуецца ў галіне. Лясгасы ставяць перад сабой некалькі задач: вярнуць моду на драўлянае домабудаванне ў Беларусі і зрабіць дамы, якія вырабляюцца з айчыннай сыравіны, даступнымі для нашых грамадзян. Рэалізацыя праекта ажыццяўляецца, у тым ліку, у рамках выканання даручэння Кіраўніка дзяржавы аб патанненні кошту драўніны для будаўніцтва жылля ў сельскай мясцовасці. Чакаем вас па адрасе: г. Мінск, Лагойскі тракт, 52.

volozhinles.by