У суботу ў «Мінск‑Арэне» ўрачыста адкрыюцца II Гульні краін СНД, але фактычна яны пачнуцца днём раней спаборніцтвамі па мастацкай гімнастыцы.
На працягу дзесяці дзён Беларусь будзе жыць спортам, а дакладней — 20 відамі, за ўзнагароды ў якіх пазмагаюцца звыш дзвюх тысяч спартсменаў больш чым з двух дзясяткаў краін.
У суботу і нядзелю ў парку Маладзечна пройдуць спаборніцтвы II гульняў краін СНД па пляжным валейболе.
За медалі пазмагаюцца мужчынскія і жаночыя каманды Беларусі, Расійскай Федэрацыі, Арменіі, Казахстана і Узбекістана.
У суботу гульні будуць праходзіць з 9.00 да 19.00 гадзін. У нядзелю - з 9.00 да 15.00.
Па выніках адбудзецца ўзнагароджанне каманд.
Уваход на стадыён вольны.
