Гэта мерапрыемства накіравана на папярэджанне і спыненне фактаў кіравання транспартнымі сродкамі асобамі, якія знаходзяцца ў стане ап'янення, а таксама не маюць права кіравання.
За 10 месяцаў бягучага года на тэрыторыі Мінскай вобласці падчас нагляду за дарожным рухам вартавымі дарог затрымана 2058 вадзіцеляў у стане ап'янення і 7417 вадзіцеляў, якія не маюць права на кіраванне транспартнымі сродкамі. За названы перыяд у 50 аўтааварыях па віне нецвярозых вадзіцеляў загінулі 11 чалавек, 53 - атрымалі траўмы рознай ступені цяжкасці. Па віне вадзіцеляў, якія не маюць права кіравання адбылося 46 ДТЗ, у выніку якіх загінулі 11 чалавек, 52 - атрымалі траўмы.
Падчас мерапрыемства патруляванне нарадаў Дзяржаўтаінспекцыі набліжана да месцаў аб'ектаў гандлю спіртнымі напоямі, забаўляльных устаноў, АЗС і інш., якія асабліва працуюць у кругласутачным рэжыме.
Рэйдавыя мерапрыемствы пройдуць па ўсёй тэрыторыі вобласці, у рамках якіх будзе ажыццяўляцца кантроль за фізічным станам кіроўцаў транспартных сродкаў, а таксама за кіроўцамі, не маючымi права на кіраванне транспартам.
Дзяржаўтаінспекцыя папярэджвае і нагадвае, што парушальнікі будуць прыцягнуты да ўсталяванай Законам адказнасці!
Як нецвярозы, так і бяспраўны кіроўца за рулём – уяўляюць вялікую небяспеку на дарозе і наступствы могуць быць самымі сумнымі!
ДАІ Мінскай вобласці звяртаецца да ўдзельнікаў дарожнага руху: калі вы бачыце ці ведаеце, што транспартным сродкам кіруе вадзіцель у стане ап'янення, або, не маючы на гэта права, паведаміце ў дзяжурную частку ДАІ па тэлефоне 229-04-44 ці на тэлефонную лінію 102.
УДАІ УУС Мінскага аблвыканкама
