22 июня свята вёскі для жыхароў Душкава арганізаваў Ракаўскі цэнтр народнай творчасці разам з Ракаўскім сельскім саветам. Нягледзячы на пахмурнае надвор'е, канцэрт стаў сапраўдным падарункам, асабліва для карэнных жыхароў вёскі. Для гледачоў выступілі ўдзельнікі заслужанага аматарскага калектыву Рэспублікі Беларусь фальклорнага ансамбля “Гасцінец” і ўзорнага фальклорнага калектыва “Вянок”. Гучалі вершы і песні ў выкананні саміх жыхароў. Напрыканцы ўсе разам станцавалі лявоніху і кракавяк. А самыя маленькія не маглі адарвацца ад пляцення саломкай пад кіраўніцтвам майстра Ярашэвіч Святланы Віктараўны.
