Біаматэрыял назапашваюць на Мiнскай абласной станцыі пералівання крыві. Туды ўжо звярнулася некалькі дзясяткаў чалавек, якія пераадолелі каранавірус. Кампаненты з антыцеламі выкарыстоўваюць у самых складаных выпадках. Аднак своеасаблівы архіў біяматэрыялу ствараюць у кожным рэгіёне.
Сама ж тэхналогія захоўвання кампанентаў крыві вельмі складаная. Звычайна плазма паўгода знаходзіцца на "каранціне", аднак цяпер, у сувязі з эпідэміялагічнай сітуацыяй, паскорыць працэс дапамагае ўнікальная тэхніка, якая ёсць усяго ў некалькіх клініках Беларусі.
Напрыклад, з абласной станцыі плазму адправяць у Рэспубліканскі цэнтр трансфузіялогіі, дзе яе ачысцяць і замарозяць пры вельмі нізкай тэмпературы.
Дарэчы, новую ПЦР-лабараторыю адкрылі і ў Маладзечне. Каб атрымаць вынік, спецыялістам патрабуецца прыкладна 6 гадзін. Інстытуты Акадэміі навук дапамаглі з высокадакладным абсталяваннем. Зараз сюды трапляюць аналізы з чатырох раёнаў Мінскай вобласці.
Крыніца: minsk-region.gov.by
