- Нашым лекарам важна любая дапамога і ўвага, - адзначыла галоўная медыцынская сястра УАЗ "Смалявіцкая ЦРБ" Наталля Калеснікава. - Нядаўна малады чалавек перадаў у шпіталь букет кветак з подпісам "Для добрага настрою". Гэты жэст вельмі парадаваў нашых супрацоўнікаў. А, напрыклад, адна дзяўчына перадала крэмы для рук і цела, мыла для лекараў і медсясцёр. Вялікую дапамогу аказваюць і прадстаўнікі арганізацый, і прыватныя асобы – мы ўдзячныя кожнаму. Адчуваецца любая падтрымка, і яна вельмі важная. Калектыў цэнтральнай раённай бальніцы выказвае шчырыя словы падзякі тым, хто не застаецца ў баку ад агульнай бяды, аказваючы пасільную дапамогу медыкам.
Як адзначыла Святлана Гальмакова, сёння на медыцынскіх работніках ляжыць асноўная нагрузка, і ў гэты няпросты час вельмі важна падтрымаць іх, падняць настрой.
Дарэчы, прафсаюзныя арганізацыі і на месцах клапоцяцца аб захаванні здароўя работнікаў. Праводзіцца тлумачальная праца сярод членаў працоўных калектываў, набываюцца дэзсродкi і сродкі індывідуальнай абароны.
Крыніца: minsk-region.gov.by
