"Мінскай вобласці выпаў гонар прымаць ІІ Гульні краін СНД у двух гарадах - Салігорску і Маладзечне. Спартыўны складнік гарадоў не выклікае ніякага сумнення. Аб'екты знаходзяцца ў належным стане і гатовы ў любы час прыняць спаборніцтвы любога ўзроўню і маштабу. Што датычыцца Салігорска, то ў спартыўным комплексе "Шахцёр" будзе праходзіць спартыўная барацьба ў трох дысцыплінах. У Маладзечне на спартыўных пляцоўках парку Перамогі пройдуць спаборніцтвы па пляжным валейболе. Аб'екты поўнасцю гатовы", - расказаў Уладзімір Губарэвіч.
Паводле яго слоў, у Салігорску дзве сучасныя гасцініцы "Алеся" і "Новае Палессе" пад спартсменаў і турыстаў забраніраваны поўнасцю. Больш таго, яны знаходзяцца ў максімальнай блізкасці ад пляцовак, якія будуць прымаць спаборніцтвы. Запланавана і насычаная культурная праграма.
"Маладзечна - гэта фестывальны горад. У парку Перамогі арганізуем маштабнае культурна-масавае мерапрыемства. Акрамя таго, будзе ўстаноўлена дадатковая сцэна, розныя фуд-корты. Падзейныя мерапрыемствы будуць праходзіць не толькі ў гэтых гарадах, мы іх арганізуем на тэрыторыі ўсёй Мінскай вобласці для турыстаў. Мы будзем аб гэтых мерапрыемствах інфармаваць, каб яны маглі іх наведаць. Гэта і "Лінія Сталіна", і спартыўны комплекс ДТСААФ, дзе будуць праходзіць трэкавыя гонкі. Гэта значыць, у прынцыпе, мы не абмяжоўваемся толькі Салігорскам і Маладзечнам, мы прапануем наведаць турыстычныя аб'екты на ўсёй тэрыторыі Мінскай вобласці", - адзначыў намеснік начальніка.
Уладзімір Губарэвіч дадаў, што гасцям краіны будуць прапанаваны і традыцыйныя стравы беларускай кухні. "Усё будзе прапанавана гасцям, таму што побач з пляцоўкамі будзе арганізаваны выязны гандаль менавіта ў тых маштабах, якія неабходны. Мы ўсё гасцям прапануем, каб яны маглі поўнасцю акунуцца ў нашы традыцыі і адчуць сябе як дома", - канстатаваў ён.
Крыніца: minsk-region.gov.by
