Што датычыцца маладых спецыялістаў, то гэта, як правіла, выпускнікі Беларускага нацыянальнага тэхнічнага ўніверсітэта і Беларуска-Расійскага ўніверсітэта. З БНТУ ў завода падпісана пагадненне аб узаемадзеянні, дзякуючы чаму БЕЛАЗ закрывае для сябе патрэбнасць у кадрах машынабудаўнічага профілю.
Кадры на рабочыя спецыяльнасці рыхтуе Жодзінскі дзяржаўны політэхнічны каледж (філіял БНТУ) і Жодзінскі дзяржаўны каледж. У бягучым годзе з 83 навучэнцаў Жодзінскага дзяржаўнага каледжа, якія праходзілі практыку на заводзе, 79 прыйдуць сюды па размеркаванні.
ААТ "БЕЛАЗ" - кіруючая кампанія холдынга "БЕЛАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы буйны ў свеце кар'ерны самазвал грузападымальнасцю 450 т.
Крыніца: minsk-region.gov.by
