Надзвычайны і Паўнамоцны пасол Ірана ў Беларусі Алірэза Санеі наведаў "Вялікі камень". У інавацыйным цэнтры кіраўніцтва Адміністрацыі парка расказала аб умовах вядзення бізнесу ў індустрыяльным парку, будаўніцтве інфраструктуры і перспектывах развіцця. Кіраўнік дыпламатычнай місіі азнаёміўся з ходам будаўніцтва парка, а таксама дзейнасцю цэнтра комплекснага абслугоўвання рэзідэнтаў і інвестараў "Адна станцыя".
У час перагавораў бакі абмеркавалі магчымыя напрамкі супрацоўніцтва, у тым ліку развіццё ўзаемадзеяння з іранскім тэхнапаркам Пардзіс і правядзенне прэзентацыі парка ў рамках маючых адбыцца выставак у Іране.
Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.
Крыніца: minsk-region.gov.by
