Урачыстая цырымонія адбылася на тэрыторыі гандлёва-лагістычнага субпарка рэзідэнта "Вялікага каменя" ЗАТ "Чайна Мерчантс СіЭйчЭн-БіЭлАр Камерцыйная і Лагістычная кампанія". У ходзе цырымоніі быў падпісаны шэраг пагадненняў аб супрацоўніцтве.
У мерапрыемстве прынялі ўдзел сакратар партыйнага камітэта Сіяня Фан Хунвэй, кіраўніцтва Міжнароднай партовай зоны Сіяня, кампаніі Sinotrans Overseas Development Co., Ltd., індустрыяльнага парка, а таксама кіраўнікі і прадстаўнікі беларускіх лагістычных кампаній і арганізацый.
Са студзеня па жнівень бягучага года колькасць паяздоў па маршруце Кітай - Еўропа дасягнула 3 477 саставаў, а сярэднегадавы тэмп росту складае каля 30 працэнтаў. Кантэйнерныя перавозкі па гэтым напрамку - адна з асноўных сфер дзейнасці ЗАТ "Чайна Мерчантс СіЭйчЭн-БіЭлАр Камерцыйная і Лагістычная кампанія".
Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.
Крыніца: minsk-region.gov.by
