"Добра развіваць супрацоўніцтва з тымі рэгіёнамі, у якіх структура эканомікі падобная. Структуры эканомікі Міншчыны і Маскоўскай вобласці маюць шмат агульнага: значная частка - гэта прамысловасць, таму ёсць вялікае поле для супрацоўніцтва. Таксама Маскоўская вобласць для Мінскай вобласці, як і для ўсёй краіны ў цэлым, - важнейшы гандлёва-эканамічны партнёр. Ёсць нямала праграм, як у нас, так і ў Расіі, па імпартазамяшчэнні, а гэта магчымасць выкарыстоўваць дзяржаўную падтрымку ў рэалізацыі важнейшых праектаў, неабходных для нашых краін", - адзначыў Аляксандр Турчын.
Ён таксама падкрэсліў, што ў сённяшніх умовах узаемадапаўняльнасць эканомік у тых напрамках, дзе Расія і Беларусь замяшчаюць тэхналогіі, адкрывае для іх новыя магчымасці. У ходзе наступнага візіту ўжо ў новым годзе бакі павінны намеціць канкрэтныя планы далейшага супрацоўніцтва.
Аснова таварнай наменклатуры экспарту Мінскай вобласці - малочная прадукцыя, сродкі наземнага транспарту, іх часткі і прылады, мяса і харчовыя мясныя субпрадукты, лекавыя сродкі, упакаваныя для рознічнага продажу, прадукты перапрацоўкі нафты, іншыя гатовыя або кансерваваныя прадукты з мяса. Экспарт харчовых тавараў і сельскагаспадарчай сыравіны ў Маскоўскую вобласць у студзені - верасні 2023 года склаў $337,1 млн (тэмп росту - 100,2 працэнта). Асновай экспарту выступілі: сметанковае масла і іншыя малочныя тлушчы, гатовыя ці кансерваваныя прадукты з мяса, субпрадукты, мяса і харчовыя субпрадукты свойскай птушкі свежыя ці замарожаныя. З Маскоўскай вобласці імпартуюцца: часткі і абсталяванне для аўтамабіляў і трактароў, сродкі для догляду раслін, прадукты, якія выкарыстоўваюцца ў кармленні жывёл, вырабы пластмасавыя для ўпакоўкі, транспарціроўкі тавараў, палімеры этылену ў першасных формах.
Крыніца: minsk-region.gov.by
