Агульны аб'ём інвестыцый у асноўны капітал прадпрыемства перасягнуў Br100 млн, што амаль удвая больш у параўнанні з аналагічным перыядам мінулага года. З гэтай сумы каля Br70 млн накіравана на закупку найноўшых машын і абсталявання, уключаючы зварачныя машыны, машыны тэрмічнай рэзкі, металарэзныя і кавальска-прэсавыя станкі, апрацоўчыя цэнтры з праграмным кіраваннем, устаноўкі для нанясення металапакрыццяў і фарбавання, грузападымальныя механізмы і іншыя.
Сёння БЕЛАЗ рэалізоўвае шэраг маштабных інвестыцыйных праектаў, накіраваных на абнаўленне вытворчых магутнасцей і павышэнне канкурэнтаздольнасці выпускаемай прадукцыі. "Укараненне прагрэсіўнага абсталявання ў розных цэхах прадпрыемства забяспечвае гібкасць вытворчасці, дазваляючы аператыўна асвойваць новыя віды прадукцыі і гарантаваць вельмі высокую якасць і надзейнасць нашай тэхнікі. Гэта, у сваю чаргу, садзейнічае ўмацаванню пазіцый БЕЛАЗа на сусветным рынку", - адзначылі ў прэс-службе.
Крыніца: minsk-region.gov.by
