Адна з буйнейшых міжнародных падзей года ў свеце кікбоксінга збярэ мацнейшых спартсменаў з розных краін. З 17 па 20 верасня ў "Стайках" будуць праходзіць паядынкі ў розных вагавых катэгорыях у рынгавых дысцыплінах K1 і "лоу-кік", відах праграмы на татамі "кік-лайт" і "лайт-кантакт", а таксама ў сольных кампазіцыях.
Удзельнікі спаборніцтваў выявяць лепшых у чатырох узроставых групах: у хлопчыкаў і дзяўчынак да 13 гадоў, сярод юнакоў і дзяўчат да 15 гадоў, у юніёраў і юніёрак да 17 гадоў, а таксама сярод мужчын і жанчын. Фіналы ў сольных кампазіцыях адбудуцца сёння, 18-19 верасня вызначацца пераможцы ў дысцыплінах на татамі, а ў суботу будуць разыграны медалі ў К1 і лоу-кіку.
Галоўнай падзеяй турніру стане бой за тытул чэмпіёна свету Сусветнай федэрацыі кікбоксінга (WKF) паміж беларусам Віктарам Нечытайлам і японцам Сатосі Катасіма, які пройдзе вечарам 20 верасня.
Крыніца: minsk-region.gov.by
