"Кітайская Народная Рэспубліка - гэта не проста наш дзелавы партнёр, але і вялікі сябар. Таму, вядома, наша работа будзе будавацца ў першую чаргу зыходзячы з гэтых пасылаў. Я думаю, вы добра ведаеце, што ідэолагамі "Вялікага каменя" выступалі кіраўнікі дзяржаў: наш Прэзідэнт і Старшыня КНР. Нашы лідары задаюць тон, і мы павінны яго прытрымлівацца", - адзначыла Таццяна Харлап.
Новы кіраўнік адміністрацыі індустрыяльнага парка звярнула ўвагу, што да работы на пасадзе генеральнага консула ў Спецыяльным адміністрацыйным раёне Ганконг (Кітайская Народная Рэспубліка) яна працавала ў Міністэрстве эканомікі. "Так выйшла (можа, гэта лёсавызначальны момант), але я займалася падрыхтоўкай нарматворчага працэсу па "Вялікім камені". Як бы ні банальна гэта гучала, але ў тым, што мы пісалі і рыхтавалі, я цяпер буду працаваць", - дадала яна.
Таццяна Харлап адзначыла, што на сённяшні дзень у "Вялікім камені" зарэгістраваны 171 рэзідэнт. "Хачу адзначыць, што ў мінулым годзе была прыцягнута рэкордная колькасць рэзідэнтаў - 34. Што датычыцца структуры капіталу, то на сённяшні дзень прыкладна роўная колькасць кампаній з беларускімі і кітайскімі інвестыцыямі. Астатнія - 14 іншых краін блізкага і далёкага замежжа, - падкрэсліла яна. - У парку ўжо засвоена больш як $1 млрд інвестыцый з розных крыніц фінансавання. Што самае галоўнае, яны працуюць. У парку пабудавана ўжо сучасная першакласная інфраструктура, больш за трэць рэзідэнтаў пачалі сваю непасрэдную работу, дзеля якой яны ствараліся. Таму функцыі адміністрацыі парка заключаюцца менавіта ў забеспячэнні комплекснага і якаснага абслугоўвання гэтых рэзідэнтаў, каб яны хутчэй рэалізавалі свае праекты, а наша эканоміка атрымала ад іх аддачу".
Крыніца: minsk-region.gov.by
