У Мінскім аблвыканкаме 3 лютага адбылося пасяджэнне штаба па падрыхтоўцы да маючага адбыцца XIII Форуму рэгіёнаў Беларусі і Расіі. Тэма сустрэчы высокіх дэлегацый - "Эканамічнае ўзаемадзеянне - аснова ўстойлівага развіцця Беларусі і Расіі".
Спецыяльна да мерапрыемства ў Мінскай вобласці для ўдзельнікаў будзе падрыхтавана дзесяць тэматычных секцый на самых перадавых вытворчасцях цэнтральнага рэгіёна. Гэта ААТ "БЕЛАЗ", СЗАТ "БЕЛДЖЫ", ЗАТ "БНБК", ААТ "Агракамбінат "Дзяржынскі" і іншыя, якія будуць прымаць гасцей 25 чэрвеня. "Мы павінны зрабіць усё, каб форум прайшоў на высокім арганізацыйным узроўні. А для гэтага ў нас ёсць усе неабходныя рэсурсы", - адзначыў старшыня Мінскага аблвыканкама Аляксей Кушнарэнка.
У Мінскай вобласці таксама будуць арганізаваны пляцоўкі для экспертаў з аналітычных супольніцтваў, палітычных партый і дзяржаўных органаў Беларусі і Расіі. 26 чэрвеня адбудзецца пленарнае пасяджэнне ў Нацыянальным выставачным цэнтры "БелЭкспа", дзе адкрыецца выстаўка-кірмаш тавараў.
Крыніца: minsk-region.gov.by
