У "Вялікім камені" адбылася сустрэча з кіраўніцтвам кампаніі Shandong CHENCAN Machinery Incorporated Co., Ltd. (КНР). Гасцей азнаёмілі з прэферэнцыйным рэжымам парка, будаўніцтвам інфраструктуры і заканадаўчым рэгуляваннем дзейнасці "Вялікага каменя". У час перагавораў бакі абмеркавалі шэраг пытанняў, якія датычацца рэалізацыі інвестыцыйных праектаў у індустрыяльным парку: арэнду плошчаў, прыцягненне кадраў, сертыфікацыю прадукцыі.
Кампанія Shandong CHENCAN Machinery Incorporated Co., Ltd. заснавана ў 1998 годзе і з'яўляецца адным з вядучых распрацоўшчыкаў і вытворцаў апрацоўчых цэнтраў з лічбавым праграмным кіраваннем у Кітаі. Штаб-кватэра знаходзіцца ў горадзе Дэчжоу правінцыі Шаньдун.
Крыніца: minsk-region.gov.by


