Людскі паток на мемарыял, які быў створаны на месцы знішчанай карнікамі вёскі, не змяншаецца доўгія гады. У дзень 83-й гадавіны Хатынскай трагедыі, тут праходзіла акцыя памяці "Прыйдзі і пакланіся". На працягу дня жыхары Беларусі і госці краіны ўскладалі кветкі да помніка "Няскораны чалавек", брацкай магілы, у якой знайшоў спачын прах спаленых жыхароў вёскі, да Вечнага агню.
Роўна ў 12.00 беларусы мінутай маўчання ўшанавалі памяць ахвяр трагедыі ў Хатыні і ахвяр генацыду беларускага народа.
Лёс Хатыні падзялілі не менш за 290 населеных пунктаў нашай краіны. Матэрыяламі крымінальнай справы, узбуджанай Генеральнай пракуратурай, пацверджана знішчэнне не менш як 12868 вёсак.
Крыніца: minsk-region.gov.by
