Калектыў транспартнага ведамства традыцыйна прымае ўдзел у маштабных акцыях па аднаўленні лясных масіваў.
Да марафону добрых спраў далучаюцца не толькі працоўныя калектывы транспартнай галіны, але і дзеці работнікаў. Гэтай вясной кампанія прысвечана пяцігодцы якасці, аб'яўленай па ініцыятыве кіраўніка дзяржавы. Акцэнт зроблены на навядзенні парадку на зямлі і добраўпарадкаванні аб'ектаў у лясным фондзе.
"Любоў да роднай зямлі, беражлівыя адносіны да прыроды, імкненне да захавання нашых нацыянальных багаццяў і рэсурсаў неабходна выхоўваць у маладых пакаленняў з самага дзяцінства", - акцэнтаваў увагу міністр транспарту і камунікацый Аляксей Ляхновіч.
Ён дадаў, што добраахвотная ініцыятыва - значны ўклад у развіццё краіны, дабрабыт беларускага народа.
На тэрыторыі Валожынскага лясгаса работнікі Мінтранса і Дэпартамента па авіяцыі на плошчы 10 га высадзілі саджанцы бярозы. Крыху раней сіламі работнікаў лясной гаспадаркі на гэтай пляцоўцы была пасеяна хвоя. Ужо праз 10 гадоў на гэтым месцы зашуміць малады мяшаны лес.
Крыніца: minsk-region.gov.by
